Texts

rāgavṛddhau saṃgharṣātmakaṃ nakhavilekhanam // (1.1) Par.?

tasya prathamasamāgame pravāsapratyāgamane pravāsagamane kruddhaprasannāyāṃ mattāyāṃ ca prayogaḥ / (2.1) Par.?

na nityam acaṇḍavegayoḥ // (2.2) Par.?

tathā daśanachedyasya sātmyavaśād vā // (3.1) Par.?

tadācchuritakam ardhacandro maṇḍalaṃ rekhā vyāghranakhaṃ mayūrapadakaṃ śaśaplutakam utpalapatrakam iti rūpato 'ṣṭavikalpam // (4.1) Par.?

kakṣau stanau galaḥ pṛṣṭhaṃ jaghanam ūrū ca sthānāni // (5.1) Par.?

pravṛttaraticakrāṇāṃ na sthānam asthānaṃ vā vidyata iti suvarṇanābhaḥ // (6.1) Par.?

tatra savyahastāni pratyagraśikharāṇi dvitriśikharāṇi caṇḍavegayor nakhāni syuḥ // (7.1) Par.?

anugatarāji samam ujjvalam amalinam avipāṭitaṃ vivardhiṣṇu mṛdusnigdhadarśanam iti nakhaguṇāḥ // (8.1) Par.?

dīrghāṇi hastaśobhīnyāloke ca yoṣitāṃ cittagrāhīṇi gauḍānāṃ nakhāni syuḥ // (9.1) Par.?

hrasvāni karmasahiṣṇūni vikalpayojanāsu ca svecchāpātīni dākṣiṇātyānām // (10.1) Par.?

madhyamānyubhayabhāñji mahārāṣṭrakāṇām iti // (11.1) Par.?

taiḥ suniyamitair hanudeśe stanayor adhare vā laghukaraṇam anudgatalekhaṃ sparśamātrajananād romāñcakaram ante saṃnipātavardhamānaśabdam ācchuritakam // (12.1) Par.?

prayojyāyāṃ ca tasyāṅgasaṃvāhane śirasaḥ kaṇḍūyane piṭakabhedane vyākulīkaraṇe bhīṣaṇena prayogaḥ // (13.1) Par.?

grīvāyāṃ stanapṛṣṭhe ca vakro nakhapadaniveśo 'rdhacandrakaḥ // (14.1) Par.?

tāveva dvau parasparābhimukhau maṇḍalam // (15.1) Par.?

nābhimūlakakundaravaṅkṣaṇeṣu tasya prayogaḥ // (16.1) Par.?

sarvasthāneṣu nātidīrghā lekhā // (17.1) Par.?

saiva vakrā vyāghranakhakam ā stanamukham // (18.1) Par.?

pañcabhir abhimukhair lekhā cūcukābhimukhī mayūrapadakam // (19.1) Par.?

tatsaṃprayogaślāghāyāḥ stanacūcuke saṃnikṛṣṭāni pañcanakhapadāni śaśaplutakam // (20.1) Par.?

stanapṛṣṭhe mekhalāpathe cotpalapattrākṛtītyutpalapatrakam // (21.1) Par.?

ūrvoḥ stanapṛṣṭhe ca pravāsaṃ gacchataḥ smāraṇīyakaṃ saṃhatāścatasrastisro vā lekhāḥ / (22.1) Par.?

iti nakhakarmāṇi // (22.2) Par.?

ākṛtivikārayuktāni cānyānyapi kurvīta // (23.1) Par.?

vikalpānām anantatvād ānantyācca kauśalavidher abhyāsasya ca sarvagāmitvād rāgātmakatvācchedyasya prakārān ko 'bhisamīkṣitum arhatītyācāryāḥ // (24.1) Par.?

bhavati hi rāge api citrāpekṣā / (25.1) Par.?

vaicitryācca parasparaṃ rāgo janayitavyaḥ / (25.2) Par.?

vaicakṣaṇyayuktāśca gaṇikāstatkāminaśca parasparaṃ prārthanīyā bhavanti / (25.3) Par.?

dhanurvedādiṣvapi hi śastrakarmaśāstreṣu vaicitryam evāpekṣyate kiṃ punar iheti vātsyāyanaḥ // (25.4) Par.?

na tu paraparigṛhītāsv evaṃ kuryāt / (26.1) Par.?

pracchanneṣu pradeśeṣu tāsām anusmaraṇārthaṃ rāgavardhanācca viśeṣān darśayet // (26.2) Par.?

nakhakṣatāni paśyantyā gūḍhasthāneṣu yoṣitaḥ / (27.1) Par.?

cirotsṛṣṭāpyabhinavā prītir bhavati peśalā // (27.2) Par.?

cirotsṛṣṭeṣu rāgeṣu prītir gacchet parābhavam / (28.1) Par.?

rāgāyatanasaṃsmāri yadi na syān nakhakṣatam // (28.2) Par.?

paśyato yuvatiṃ dūrān nakhocchiṣṭapayodharām / (29.1) Par.?

bahumānaḥ parasyāpi rāgayogaśca jāyate // (29.2) Par.?

puruṣaśca pradeśeṣu nakhacihnair vicihnitaḥ / (30.1) Par.?

cittaṃ sthiram api prāyaścalayatyeva yoṣitaḥ // (30.2) Par.?

nānyat paṭutaraṃ kiṃcid asti rāgavivardhanam / (31.1) Par.?

nakhadantasamutthānāṃ karmaṇāṃ gatayo yathā // (31.2) Par.?