Texts

atha dīkṣā cāturhautṛkī saṃvatsaram // (1) Par.?

caturhotṝn svakarmaṇo juhuyāt saha ṣaḍḍhotrā saptahotāram // (2) Par.?

antato vrataṃ pradāyādito dvāvanuvākāv anuvācayet // (3) Par.?

evam evoddīkṣāṃ juhuyāt // (4) Par.?

atha dīkṣāgnikī dvādaśarātram // (5) Par.?

yuñjānaḥ prathamaṃ mana ity aṣṭau hutvākūtam agniṃ prayujaṃ svāheti ṣaḍ juhoti viśvo devasya neturiti saptamīm // (6) Par.?

vrataṃ pradāyādito 'ṣṭāv anuvākān anuvācayet // (7) Par.?

triṣavaṇam udakam āharet trīṃs trīn kumbhān // (8) Par.?

ekena vāsasāntarhitāyāṃ bhūmau śayīta bhasmani karīṣe sikatāsu vā // (9) Par.?

nodakam abhyaveyāt // (10) Par.?

samāpte ghṛtavatāpūpeneṣṭvā vātsapraṃ vācayet // (11) Par.?

tato ghṛtavadbhir apūpair brāhmaṇān bhojayet // (12) Par.?

evam evoddīkṣāṃ juhuyāt // (13) Par.?

atha dīkṣāśvamedhikī dvādaśarātram // (14) Par.?

vaitasamidhmam upasamādhāya navamenānuvākena hutvā ṣaṣṭhenopasthāpya vrataṃ pradāyādita ekaviṃśatyanuvākān anuvācayet // (15) Par.?

triṣavaṇam aśvasya ghāsam āharet trīṃs trīn pūlān // (16) Par.?

ekena vāsasānantarhitāyāṃ bhūmau śayīta bhasmani karīṣe sikatāsu vā // (17) Par.?

yā oṣadhayaḥ sam anyā yanti punantu mā pitaro 'gner manva iti caturbhir anuvākair apo 'bhimantrya snānam ācaret // (18) Par.?

evam evoddīkṣāṃ juhuyāt // (19) Par.?

śādaṃ dadbhir iti caturdaśānuvākān anuvācayet // (20) Par.?

rahasyam adhyeṣyamāṇaḥ pravargyam // (21) Par.?

ādeśe yathā purastād vyākhyātam // (22) Par.?

āditaḥ pañcaviṃśatyanuvākān anuvācayet // (23) Par.?

traividyakam upanayanena vyākhyātam // (24) Par.?

āditas trīn anuvākān anuvācayet // (25) Par.?

vyākhyātāni vratāni vyākhyātāni vratāni // (26) Par.?

ud uttamaṃ varuṇapāśam iti mekhalām unmuñcati // (27) Par.?