Texts

vyaktam mahadādikāryaṃ hetumad iti / (1.1) Par.?

hetur asyāstīti hetumat / (1.2) Par.?

upādānaṃ hetuḥ kāraṇaṃ nimittam iti paryayāḥ / (1.3) Par.?

vyaktasya pradhānaṃ hetur asty ato hetumad vyaktaṃ bhūtaparyantam / (1.4) Par.?

hetumad buddhitattvaṃ pradhānena / (1.5) Par.?

hetumān ahaṃkāro buddhyā / (1.6) Par.?

pañca tanmātrāṇyekādaśendriyāṇi hetumantyahaṃkāreṇākāśam śabdatanmātreṇa hetumat / (1.7) Par.?

vāyuḥ sparśatanmātreṇa hetumān / (1.8) Par.?

tejo rūpatanmātreṇa hetumat / (1.9) Par.?

āpo rasatanmātreṇa hetumatyaḥ / (1.10) Par.?

pṛthivī gandhatanmātreṇa hetumatī / (1.11) Par.?

evaṃ bhūtaparyantaṃ vyaktaṃ hetumat / (1.12) Par.?

kiṃ cānyad anityam / (1.13) Par.?

yasmād anyasmād utpadyate / (1.14) Par.?

yathā mṛtpiṇḍād utpadyate ghaṭaḥ sa cānityaḥ / (1.15) Par.?

kiṃ cāvyāpi / (1.16) Par.?

asarvagam ity arthaḥ / (1.17) Par.?

yathā pradhānapuruṣau sarvagatau naivaṃ vyaktam / (1.18) Par.?

kiṃ cānyat sakriyam / (1.19) Par.?

saṃsārakāle saṃsarati / (1.20) Par.?

trayodaśavidhena karaṇena saṃyuktam sūkṣmaṃ śarīram āśritya saṃsarati / (1.21) Par.?

tasmāt sakriyam / (1.22) Par.?

kim cānyad anekam / (1.23) Par.?

buddhir ahaṃkāraḥ pañca tanmātrāṇy ekādaśendriyāṇi pañca mahābhūtāni ceti / (1.24) Par.?

kiṃ cānyad āśritam / (1.25) Par.?

svakāraṇam āśrayate / (1.26) Par.?

pradhānāśritā buddhir buddhim āśrito 'haṃkāro 'haṃkārāśritānyekādaśendriyāṇi pañca tanmātrāṇi pañcatanmātrāśritāni pañca mahābhūtānīti / (1.27) Par.?

kiṃ ca liṅgam / (1.28) Par.?

layayuktam / (1.29) Par.?

layakāle pañca mahābhūtāni tanmātreṣu līyante tāny ekādaśendriyaiḥ sahāhaṃkāre sa ca buddhau sā ca pradhāne layaṃ yātīti / (1.30) Par.?

tathā sāvayavam / (1.31) Par.?

avayavāḥ śabdasparśarasarūpagandhās taiḥ saha / (1.32) Par.?

kiṃ ca paratantram / (1.33) Par.?

nātmanaḥ prabhavati / (1.34) Par.?

yathā pradhānatantrā buddhir buddhitantro 'haṃkāro 'haṃkāratantrāṇi tanmātrāṇīndriyāṇi ca tanmātratantrāṇi pañca mahābhūtāni ca / (1.35) Par.?

evaṃ paratantraṃ parāyattaṃ vyākhyātaṃ vyaktam / (1.36) Par.?

atho 'vyaktaṃ vyākhyāsyāmaḥ / (1.37) Par.?

viparītam avyaktam / (1.38) Par.?

etair eva guṇair yathoktair viparītam avyaktam / (1.39) Par.?

hetumad vyaktam uktam / (1.40) Par.?

nahi pradhānāt paraṃ kiṃcid asti / (1.41) Par.?

yataḥ pradhānasyānutpattistasmād ahetumad avyaktam / (1.42) Par.?

tathānityam ca vyaktam / (1.43) Par.?

nityam avyaktam anutpadyamānatvāt / (1.44) Par.?

na hi bhūtānīva kutaścid utpadyata iti nityaṃ pradhānam / (1.45) Par.?

kim cāvyāpi vyaktam vyāpi pradhānaṃ sarvagatatvāt / (1.46) Par.?

sakriyaṃ vyaktam akriyam avyaktam sarvagatatvād eva / (1.47) Par.?

tathānekam vyaktam ekaṃ pradhānaṃ kāraṇatvāt / (1.48) Par.?

trayāṇāṃ lokānāṃ pradhānam ekaṃ kāraṇaṃ tasmād ekaṃ pradhānam / (1.49) Par.?

tathāśritam vyaktam anāśritam avyaktam akāryatvāt / (1.50) Par.?

na hi pradhānād asti kiṃcit paraṃ yasya pradhānaṃ kāryaṃ syāt / (1.51) Par.?

tathā vyaktaṃ liṅgam aliṅgam avyaktaṃ nityatvāt / (1.52) Par.?

mahadādi liṅgam pralayakāle parasparaṃ pralīyate naivaṃ pradhānam / (1.53) Par.?

tasmād aliṅgaṃ pradhānam / (1.54) Par.?

tathā sāvayavaṃ vyaktaṃ niravayavam avyaktam / (1.55) Par.?

na hi śabdasparśarasarūpagandhāḥ pradhāne santi / (1.56) Par.?

tathā paratantram vyaktam svatantram avyaktam prabhavaty ātmanaḥ / (1.57) Par.?

evam vyaktāvyaktayor vaidharmyam uktaṃ sādharmyam ucyate / (1.58) Par.?

yad uktaṃ sarūpaṃ ca // (1.59) Par.?