UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7646
- Click on a sentence to show its analysis
- Keep the mouse pointer over a lemma to show its meanings.
tad ya itthaṃ viduḥ / (1.1)
Par.?
ye ceme 'raṇye śraddhā tapa ity upāsate / (1.2) Par.?
te 'rciṣam abhisaṃbhavanti / (1.3)
Par.?
arciṣo 'haḥ / (1.4)
Par.?
ahna āpūryamāṇapakṣam / (1.5)
Par.?
āpūryamāṇapakṣād yān ṣaḍ udaṅ eti māsāṃs tān // (1.6)
Par.?
māsebhyaḥ saṃvatsaram / (2.1)
Par.?
saṃvatsarād ādityam / (2.2)
Par.?
ādityāc candramasam / (2.3)
Par.?
candramaso vidyutam / (2.4)
Par.?
tat puruṣo 'mānavaḥ / (2.5)
Par.?
sa enān brahma gamayati / (2.6)
Par.?
eṣa devayānaḥ panthā iti // (2.7)
Par.?
atha ya ime grāma iṣṭāpūrte dattam ity upāsate / (3.1)
Par.?
te dhūmam abhisaṃbhavanti / (3.2)
Par.?
dhūmād rātrim / (3.3)
Par.?
rātrer aparapakṣam / (3.4)
Par.?
aparapakṣād yān ṣaḍ dakṣiṇaiti māsāṃs tān / (3.5)
Par.?
naite saṃvatsaram abhiprāpnuvanti // (3.6)
Par.?
māsebhyaḥ pitṛlokam / (4.1)
Par.?
pitṛlokād ākāśam / (4.2)
Par.?
ākāśāccandramasam / (4.3)
Par.?
eṣa somo rājā / (4.4)
Par.?
tad devānām annam / (4.5)
Par.?
taṃ devā bhakṣayanti // (4.6)
Par.?
tasmin yāvatsaṃpātam uṣitvāthaitam evādhvānaṃ punar nivartante / (5.1)
Par.?
ākāśād vāyum / (5.3)
Par.?
vāyur bhūtvā dhūmo bhavati / (5.4)
Par.?
dhūmo bhūtvābhraṃ bhavati // (5.5)
Par.?
abhraṃ bhūtvā megho bhavati / (6.1)
Par.?
megho bhūtvā pravarṣati / (6.2)
Par.?
ta iha vrīhiyavā oṣadhivanaspatayas tilamāsā iti jāyante 'to vai khalu durniṣprapataram / (6.3)
Par.?
yo yo hy annam atti yo retaḥ siñcati tad bhūya eva bhavati // (6.4)
Par.?
tad ya iha ramaṇīyacaraṇā abhyāśo ha yat te ramaṇīyāṃ yonim āpadyeran brāhmaṇayoniṃ vā kṣatriyayoniṃ vā vaiśyayoniṃ vā / (7.1)
Par.?
atha ya iha kapūyacaraṇā abhyāśo ha yat te kapūyāṃ yonim āpadyerañ śvayonim vā sūkarayoniṃ vā caṇḍālayoniṃ vā // (7.2)
Par.?
athaitayoḥ pathor na katareṇa cana tānīmāni kṣudrāṇy asakṛdāvartīni bhūtāni bhavanti jāyasva mriyasveti / (8.1)
Par.?
etat tṛtīyaṃ sthānam / (8.2)
Par.?
tenāsau loko na saṃpūryate / (8.3)
Par.?
tasmāj jugupseta / (8.4)
Par.?
tad eṣa ślokaḥ // (8.5)
Par.?
steno hiraṇyasya surāṃ pibaṃś ca / (9.1)
Par.?
guros talpam āvasan brahmahā ca / (9.2)
Par.?
ete patanti catvāraḥ pañcamaś cācaraṃs tair iti // (9.3)
Par.?
atha ha ya etān evaṃ pañcāgnīn veda na saha tair apy ācaran pāpmanā lipyate / (10.1)
Par.?
śuddhaḥ pūtaḥ puṇyaloko bhavati ya evaṃ veda ya evaṃ veda // (10.2)
Par.?
Duration=0.084751129150391 secs.