Texts

Select a text:
Bibliography

Select a chapter:
(no revisions)

Associated topic(s): Yoga

Show parallels Show headlines
Use dependency labeler

Chapter id: 7141

Click on a sentence to show its analysis
Keep the mouse pointer over a lemma to show its meanings.

tatrākāśavāyvagnyudakabhūmayo bhūtāni śabdasparśarūparasagandhatanmātrāṇām aviśeṣāṇāṃ viśeṣāḥ // (1.1) Par.?

tathā śrotratvakcakṣurjihvāghrāṇāni buddhīndriyāṇi vākyapāṇipādapāyūpasthāni karmendriyāṇi ekādaśaṃ manaḥ sarvārtham ity etāny asmitālakṣaṇasyāviśeṣasya viśeṣāḥ // (2.1) Par.?

guṇānām eṣa ṣoḍaśako viśeṣapariṇāmaḥ // (3.1) Par.?

ṣaḍ aviśeṣāḥ // (4.1) Par.?

tad yathā / (5.1) Par.?

śabdatanmātraṃ sparśatanmātraṃ rūpatanmātraṃ rasatanmātraṃ gandhatanmātraṃ cety ekadvitricatuṣpañcalakṣaṇāḥ śabdādayaḥ pañcāviśeṣāḥ ṣaṣṭhaścāviśeṣo 'smitāmātra iti // (5.2) Par.?

ete sattāmātrasyātmano mahataḥ ṣaḍ aviśeṣapariṇāmāḥ // (6.1) Par.?

yat tatparam aviśeṣebhyo liṅgamātraṃ mahattattvaṃ tasminn ete sattāmātre mahaty ātmany avasthāya vivṛddhikāṣṭhām anubhavanti pratisaṃsṛjyamānāśca tasminn eva sattāmātre mahaty ātmany avasthāya yat tan niḥsattāsattaṃ niḥsadasan nirasad avyaktam aliṅgaṃ pradhānaṃ tat pratiyanti // (7.1) Par.?

eṣa teṣāṃ liṅgamātraḥ pariṇāmo niḥsattāsattaṃ cāliṅgapariṇāma iti // (8.1) Par.?

aliṅgāvasthāyāṃ na puruṣārtho hetuḥ // (9.1) Par.?

nāliṅgāvasthāyām ādau puruṣārthatā kāraṇaṃ bhavatīti na tasyāḥ puruṣārthatā kāraṇaṃ bhavatīti nāsau puruṣārthakṛteti nityākhyāyate // (10.1) Par.?

trayāṇāṃ tv avasthāviśeṣāṇām ādau puruṣārthatā kāraṇaṃ bhavati // (11.1) Par.?

sa cārtho hetur nimittaṃ kāraṇaṃ bhavatīty anityākhyāyate // (12.1) Par.?

guṇās tu sarvadharmānupātino na pratyastam ayante nopajāyante // (13.1) Par.?

vyaktibhir evātītānāgatavyayāgamavatībhir guṇānvayinībhir upajananāpāyadharmakā iva pratyavabhāsante // (14.1) Par.?

yathā devadatto daridrāti // (15.1) Par.?

kasmāt // (16.1) Par.?

yato 'sya mriyante gāva iti // (17.1) Par.?

gavām eva maraṇāt tasya daridratā na svarūpahānād iti samaḥ samādhiḥ // (18.1) Par.?

liṅgamātram aliṅgasya pratyāsannaṃ tatra tatsaṃsṛṣṭaṃ vivicyate kramānativṛtteḥ // (19.1) Par.?

tathā ṣaḍ aviśeṣā liṅgamātre saṃsṛṣṭā vivicyante pariṇāmakramaniyamāt // (20.1) Par.?

tathā teṣv aviśeṣeṣu bhūtendriyāṇi saṃsṛṣṭāni vivicyante tathā coktaṃ purastāt // (21.1) Par.?

na viśeṣebhyaḥ paraṃ tattvāntaram astīti viśeṣāṇāṃ nāsti tattvāntarapariṇāmaḥ // (22.1) Par.?

teṣāṃ tu dharmalakṣaṇāvasthāpariṇāmā vyākhyāsyante // (23.1) Par.?

vyākhyātaṃ dṛśyam // (24.1) Par.?

atha draṣṭuḥ svarūpāvadhāraṇārtham idam ārabhyate // (25.1) Par.?

Duration=0.046859979629517 secs.