UD type:
UD sub-type:
Unclear, revisit later
Texts
Help
Select a text:
Bibliography Chapter id: 184
- Click on a sentence to show its analysis
- Keep the mouse pointer over a lemma to show its meanings.
vyāptacarācarabhāvaviśeṣaṃ cinmayam ekam anantam anādim / (1.1) Par.?
bhairavanātham anāthaśaraṇyaṃ tvanmayacittatayā hṛdi vande // (1.2)
Par.?
tvanmayam etad aśeṣam idānīṃ bhāti mama tvadanugrahaśaktyā / (2.1)
Par.?
tvaṃ ca maheśa sadaiva mamātmā svātmamayaṃ mama tena samastam // (2.2)
Par.?
svātmani viśvagaye tvayi nāthe tena na saṃsṛṣṭibhītikathāsti / (3.1)
Par.?
satsv api durdharaduḥkhavimohatrāsavidhāyiṣu karmagaṇeṣu // (3.2)
Par.?
antaka māṃ prati mā dṛśam
enaṃ krodhakarālatamāṃ vinidhehi / (4.1)
Par.?
śaṅkarasevanacintanadhīro bhīṣaṇabhairavaśaktimayo 'smi // (4.2)
Par.?
ittham upoḍhabhavanmayasaṃviddīdhitidāritabhūritamisraḥ / (5.1)
Par.?
mṛtyuyamāntakakarmapiśācair nātha namo 'stu na jātu bibhemi // (5.2)
Par.?
proditasatyavibodhamarīciprekṣitaviśvapadārthasatattvaḥ / (6.1)
Par.?
bhāvaparāmṛtanirbharapūrṇe tvayy aham ātmani nirvṛtim emi // (6.2)
Par.?
mānasagocaram eti yadaiva kleśadaśā tanutāpavidhātrī / (7.1)
Par.?
nātha tadaiva mama tvadabhedastotraparāmṛtavṛṣṭir udeti // (7.2)
Par.?
śaṅkara satyam idaṃ vratadānasnānatapo bhavatāpavidāri / (8.1)
Par.?
tāvakaśāstraparāmṛtacintā syandati cetasi nirvṛtidhārām // (8.2)
Par.?
nṛtyati gāyati hṛṣyati gāḍhaṃ saṃvid iyaṃ mama bhairavanātha / (9.1)
Par.?
tvāṃ priyam āpya sudarśanam ekam durlabham anyajanaiḥ samayajñam // (9.2)
Par.?
vasurasapauṣe kṛṣṇadaśamyām abhinavaguptaḥ stavam imam akarot / (10.1)
Par.?
yena vibhur bhavamarusantāpaṃ śamayati janasya jhaṭiti dayāluḥ // (10.2)
Par.?
samāptaṃ stavam idam abhinavākhyaṃ padyanavakam // (11.1)
Par.?
Duration=0.039371967315674 secs.