UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7592
- Click on a sentence to show its analysis
- Keep the mouse pointer over a lemma to show its meanings.
granthaprastāvanā
śriyaṃ sarasvatīṃ gaurīṃ gaṇeśaṃ skandamīśvaram / (1.1)
Par.?
brahmāṇaṃ vahnimindrādīn vāsudevaṃ namāmyaham // (1.2)
Par.?
naimiṣe harimījānā ṛṣayaḥ śaunakādayaḥ / (2.1)
Par.?
tīrthayātrāprasaṅgena svāgataṃ sūtamabruvan // (2.2)
Par.?
sūta tvaṃ pūjito 'smābhiḥ sārātsāraṃ vadasva naḥ / (3.2)
Par.?
yena vijñānamātreṇa sarvajñatvaṃ prajāyate // (3.3)
Par.?
sārātsāro hi bhagavān viṣṇuḥ sargādikṛdvibhuḥ / (4.2)
Par.?
brahmāhamasmi taṃ jñātvā sarvajñatvaṃ prajāyate // (4.3)
Par.?
dve brahmaṇī veditavye śabdabrahma paraṃ ca yat / (5.1)
Par.?
dve vidye veditavye hi iti cātharvaṇī śrutiḥ // (5.2)
Par.?
ahaṃ śukaś ca pailādyā gatvā badarikāśramam / (6.1)
Par.?
vyāsaṃ natvā pṛṣṭavantaḥ so 'smān sāramathābravīt // (6.2)
Par.?
vyāsa uvāca / (7.1)
Par.?
śukādyaiḥ śṛṇu sūta tvaṃ vaśiṣṭho māṃ yathābravīt / (7.2)
Par.?
brahmasāraṃ hi pṛcchantaṃ munibhiś ca parātparam // (7.3)
Par.?
vasiṣṭha uvāca / (8.1)
Par.?
dvaividhyaṃ brahma vakṣyāmi śṛṇu vyāsākhilānugam / (8.2)
Par.?
yathāgnirmāṃ purā prāha munibhirdaivataiḥ saha // (8.3)
Par.?
purāṇaṃ paramāgneyaṃ brahmavidyākṣaraṃ param / (9.1)
Par.?
ṛgvedādyaparaṃ brahma sarvadevasukhāvaham // (9.2)
Par.?
agninoktaṃ purāṇam yad āgneyaṃ brahmasaṃmitam / (10.1)
Par.?
bhuktimuktipradaṃ divyaṃ paṭhatāṃ śṛṇvatāṃ nṛṇām // (10.2)
Par.?
kālāgnirūpiṇam viṣṇuṃ jyotirbrahma parātparam / (11.1)
Par.?
munibhiḥ pṛṣṭavān devaṃ pūjitaṃ jñānakarmabhiḥ // (11.2)
Par.?
vasiṣṭha uvāca / (12.1)
Par.?
saṃsārasāgarottāranāvaṃ brahmeśvaraṃ vada / (12.2)
Par.?
vidyāsāraṃ yadviditvā sarvajño jāyate naraḥ // (12.3)
Par.?
agnir uvāca / (13.1)
Par.?
viṣṇuḥ kālāgnirudro 'haṃ vidyāsāraṃ vadāmi te / (13.2)
Par.?
vidyāsāraṃ purāṇaṃ yat sarvaṃ sarvasya kāraṇaṃ // (13.3)
Par.?
sargasya pratisargasya vaṃśamanvantarasya ca / (14.1)
Par.?
vaṃśānucaritādeś ca matsyakūrmādirūpadhṛk // (14.2)
Par.?
dve vidye bhagavān viṣṇuḥ parā caivāparā ca ha / (15.1)
Par.?
ṛgyajuḥsāmātharvākhyā vedāṅgāni ca ṣaḍ dvija // (15.2)
Par.?
śikṣā kalpo vyākaraṇaṃ niruktaṃ jyotiṣāṃ gatiḥ / (16.1)
Par.?
chando 'bhidhānaṃ mīmāṃsā dharmaśāstraṃ purāṇakam // (16.2)
Par.?
nyāyavaidyakagāndharvaṃ dhanurvedo 'rthaśāstrakam / (17.1)
Par.?
apareyaṃ parā vidyā yayā brahmābhigamyate // (17.2) Par.?
yattadadṛśyamagrāhyam agotracaraṇam dhruvam / (18.1)
Par.?
viṣṇunoktaṃ yathā mahyaṃ devebhyo brahmaṇā purā / (18.2)
Par.?
tathā te kathayiṣyāmi hetuṃ matsyādirūpiṇam // (18.3)
Par.?
ity ādimahāpurāṇe āgneye praśno nāma prathamo 'dhyāyaḥ // (19.1)
Par.?
Duration=0.074053049087524 secs.