UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 8167
- Click on a sentence to show its analysis
- Keep the mouse pointer over a lemma to show its meanings.
dvau loke dhṛtavratau rājā brāhmaṇaś ca bahuśrutaḥ // (1.1)
Par.?
tayoś caturvidhasya manuṣyajātasyāntaḥsaṃjñānāṃ calanapatanasarpaṇānām āyattaṃ jīvanam // (2.1)
Par.?
prasūtirakṣaṇam asaṃkaro dharmaḥ // (3.1)
Par.?
sa eva bahuśruto bhavati // (4.1)
Par.?
lokavedavedāṅgavit // (5.1)
Par.?
vākovākyetihāsapurāṇakuśalaḥ // (6.1)
Par.?
tadapekṣas tadvṛttiḥ // (7.1)
Par.?
catvāriṃśatsaṃskāraiḥ saṃskṛtaḥ // (8.1)
Par.?
triṣu karmasv abhirataḥ // (9.1)
Par.?
sāmayācārikeṣv abhivinītaḥ // (11.1)
Par.?
ṣaḍbhiḥ parihāryo rājñā // (12.1) Par.?
avadhyaś cābandhyaś cādaṇḍyaś cābahiṣkāryaścāparivādyaś cāparihāryaś ceti // (13.1)
Par.?
garbhādhānapuṃsavanasīmantonnayanajātakarmanāmakaraṇānnaprāśanacaulopanayanam // (14.1)
Par.?
catvāri vedavratāni // (15.1)
Par.?
snānaṃ sahadharmacāriṇīsaṃyogaḥ // (16.1)
Par.?
pañcānāṃ yajñānām anuṣṭhānaṃ
devapitṛmanuṣyabhūtabrāhmaṇānām // (17.1)
Par.?
eteṣāṃ ca // (18.1)
Par.?
aṣṭakā pārvaṇaḥ śrāddham śrāvaṇyāgrahāyaṇīcaitryāśvayujīti sapta pākayajñasaṃsthāḥ // (19.1)
Par.?
agnyādheyam agnihotraṃ darśapūrṇamāsāvāgrayaṇaṃ cāturmāsyāni nirūḍhapaśubandhaḥ sautrāmaṇīti saptahaviryajñasaṃsthāḥ // (20.1)
Par.?
agniṣṭomo 'tyagniṣṭoma ukthyaḥ ṣoḍaśī vājapeyo 'tirātro 'ptoryāma iti sapta somasaṃsthāḥ // (21.1)
Par.?
ity ete catvāriṃśatsaṃskārāḥ // (22.1)
Par.?
athāṣṭāv ātmaguṇāḥ // (23.1)
Par.?
dayā sarvabhūteṣu kṣāntir anasūyā śaucam anāyāso maṅgalam akārpaṇyam aspṛheti // (24.1)
Par.?
yasyaite catvāriṃśatsaṃskārā na cāṣṭāv ātmaguṇā na sa brahmaṇaḥ sāyujyaṃ sālokyaṃ gacchati // (25.1)
Par.?
yasya tu khalu saṃskārāṇāmekadeśo 'py aṣṭāv ātmaguṇā atha sa brahmaṇaḥ sāyujyaṃ sālokyaṃ ca gacchati // (26.1)
Par.?
Duration=0.045562982559204 secs.