Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 8541

parāśara uvāca / (1.1) Par.?

jarāsaṃdhasute kaṃsa upayeme mahābalaḥ / (1.2) Par.?

astiṃ prāptiṃ ca maitreya tayorbhartṛhaṇaṃ harim // (1.3) Par.?

mahābalaparīvāro magadhādhipatirbalī / (2.1) Par.?

hantumabhyāyayau kopājjarāsaṃdhaḥ sa yādavam // (2.2) Par.?

upetya mathurāṃ so 'tha rurodha magadheśvaraḥ / (3.1) Par.?

akṣauhiṇībhiḥ sainyasya trayoviṃśatibhirvṛtaḥ // (3.2) Par.?

niṣkramyālpaparīvārāvubhau rāmajanārdanau / (4.1) Par.?

yuyudhāte samaṃ tasya balinau balisainikaiḥ // (4.2) Par.?

tato rāmaśca kṛṣṇaśca cakrāte matimuttamām / (5.1) Par.?

āyudhānāṃ purāṇānāmādāne munisattama // (5.2) Par.?

anantaraṃ hareḥ śārṅgaṃ tūṇau cākṣayasāyakau / (6.1) Par.?

ākāśādāgatau vipra tathā kaumodakī gadā // (6.2) Par.?

halaṃ ca balabhadrasya gaganādāgataṃ jvalat / (7.1) Par.?

manasābhimataṃ vipra saunandaṃ musalaṃ tathā // (7.2) Par.?

tato yuddhe parājitya sasainyaṃ magadhādhipam / (8.1) Par.?

purīṃ viviśaturvīrāvubhau rāmajanārdanau // (8.2) Par.?

jite tasmin sudurvṛtte jarāsaṃdhe mahāmune / (9.1) Par.?

jīvamāne gate kṛṣṇastaṃ nāmanyata nirjitam // (9.2) Par.?

punarapyājagāmātha jarāsaṃdho balānvitaḥ / (10.1) Par.?

jitaśca rāmakṛṣṇābhyāmapakrānto dvijottama // (10.2) Par.?

daśa cāṣṭau ca saṃgrāmānevamatyantadurmadaḥ / (11.1) Par.?

yadubhirmāgadho rājā cakre kṛṣṇapurogamaiḥ // (11.2) Par.?

sarveṣveteṣu yuddheṣu yādavaiḥ sa parājitaḥ / (12.1) Par.?

apakrānto jarāsaṃdhaḥ svalpasainyairbalādhikaḥ // (12.2) Par.?

tadbalaṃ yādavānāṃ tairajitaṃ yadanekaśaḥ / (13.1) Par.?

tattu saṃnidhimāhātmyaṃ viṣṇoraṃśasya cakriṇaḥ // (13.2) Par.?

manuṣyadharmaśīlasya līlā sā jagataḥ pateḥ / (14.1) Par.?

astrāṇyanekarūpāṇi yadarātiṣu muñcati // (14.2) Par.?

manasaiva jagatsṛṣṭiṃ saṃhāraṃ ca karoti yaḥ / (15.1) Par.?

tasyāripakṣakṣapaṇe kiyānudyamavistaraḥ // (15.2) Par.?

tathāpi ye manuṣyāṇāṃ dharmāstadanuvartanam / (16.1) Par.?

kurvanbalavatā saṃdhiṃ hīnairyuddhaṃ karotyasau // (16.2) Par.?

sāma copapradānaṃ ca tathā bhedaṃ pradarśayan / (17.1) Par.?

karoti daṇḍapātaṃ ca kvacideva palāyanam // (17.2) Par.?

manuṣyadehināṃ ceṣṭāmityevamanuvartataḥ / (18.1) Par.?

līlā jagatpatestasya chandataḥ sampravartate // (18.2) Par.?

Duration=0.054311990737915 secs.