Texts

yathā hi tūlam aiṣīkam agnau protaṃ pradīpyate / (1.1) Par.?

tadvat sarvāṇi pāpāni dahyante hy ātmayājinaḥ // (1.2) Par.?

kevalāgho bhavati kevalādī / (2.1) Par.?

mogham annaṃ vindate apracetā iti // (2.2) Par.?

sa evam evāharahaḥ sāyaṃ prātar juhuyāt // (3.1) Par.?

adbhir vā sāyam // (4.1) Par.?

athāpy udāharanti / (5.1) Par.?

agre bhojayed atithīn antarvatnīr anantaram / (5.2) Par.?

bālavṛddhāṃs tathā dīnān vyādhitāṃś ca viśeṣataḥ // (5.3) Par.?

adattvā tu ya etebhyaḥ pūrvaṃ bhuṅkte yathāvidhi / (6.1) Par.?

bhujyamāno na jānāti na sa bhuṅkte sa bhujyate // (6.2) Par.?

pitṛdaivatabhṛtyānāṃ mātāpitror guros tathā / (7.1) Par.?

vāgyato vighasam aśnīyād evaṃ dharmo vidhīyata iti // (7.2) Par.?

athāpy udāharanti / (8.1) Par.?

aṣṭau grāsā muner bhakṣyāḥ ṣoḍaśāraṇyavāsinaḥ / (8.2) Par.?

dvātriṃśat tu gṛhasthasyāmitaṃ brahmacāriṇaḥ // (8.3) Par.?

āhitāgnir anaḍvāṃś ca brahmacārī ca te trayaḥ / (9.1) Par.?

aśnanta eva sidhyanti naiṣāṃ siddhir anaśnatām iti // (9.2) Par.?

gṛhastho brahmacārī vā yo 'naśnaṃs tu tapaś caret / (10.1) Par.?

prāṇāgnihotralopena avakīrṇī bhavet tu saḥ // (10.2) Par.?

anyatra prāyaścittāt / (11.1) Par.?

prāyaścitte tad eva vidhānam // (11.2) Par.?

athāpy udāharanti / (12.1) Par.?

antarā prātarāśaṃ ca sāyamāśaṃ tathaiva ca / (12.2) Par.?

sadopavāsī bhavati yo na bhuṅkte kadācana // (12.3) Par.?

prāṇāgnihotramantrāṃs tu niruddhe bhojane japet / (13.1) Par.?

tretāgnihotramantrāṃs tu dravyālābhe yathā japed iti // (13.2) Par.?

evam ācaran brahmabhūyāya kalpate / (14.1) Par.?

brahmabhūyāya kalpata iti // (14.2) Par.?