Texts

sūta uvāca / (1.1) Par.?

evaṃ brahmābravīcchrutvā hareraṣṭanidhīṃstathā / (1.2) Par.?

tatra padmamahāpadmau tathā makarakacchapau // (1.3) Par.?

mukundakundau nīlaśca śaṅkhaścaivāparo nidhiḥ / (2.1) Par.?

satyāmṛddhau bhavantyete svarūpaṃ kathayāmyaham // (2.2) Par.?

padmena lakṣitaścaiva sāttviko jāyate naraḥ / (3.1) Par.?

dākṣiṇyasāraḥ puruṣaḥ suvarṇādikasaṃgraham // (3.2) Par.?

rūpyādi kuryāddadyāttu yatidaivādiyajvanām / (4.1) Par.?

mahāpadmāṅkito dadyāddhanādyaṃ dhārmikāya ca // (4.2) Par.?

nidhī padmamahāpadmau sāttvikau puruṣau smṛtī / (5.1) Par.?

makareṇāṅkitaḥ khaḍgabāṇakuntādisaṃgrahī // (5.2) Par.?

dadyācchrutāya maitrīṃ ca yāti nityaṃ ca rājabhiḥ / (6.1) Par.?

dravyārthaṃ śatruṇā nāśaṃ saṃgrāme cāpi saṃvrajet // (6.2) Par.?

makaraḥ kacchapaścaiva tāmasau tu nidhī smṛtau / (7.1) Par.?

kacchapī viśvasennaiva na bhuṅkena dadāti ca // (7.2) Par.?

nidhānamurvyāṃ kurute nidhiḥ so 'pyekapūruṣaḥ / (8.1) Par.?

rājasenamukundena lakṣitā rājyasaṃgrahī // (8.2) Par.?

bhuktabhogo gāyanebhyo dadyādveśyādikāsu ca / (9.1) Par.?

rajastamomayo nandī ādhāraḥ syātkulasya ca // (9.2) Par.?

stutaḥ prīto bhavati vai bahubhāryā bhavanti ca / (10.1) Par.?

pūrvamitreṣu śaithilyaṃ prītimanyaiḥ karoti ca // (10.2) Par.?

nīlena cāṅkitaḥ sattvatejasā saṃyuto bhavet / (11.1) Par.?

vastradhānyādisaṃgrāhī taḍāgādi karoti ca // (11.2) Par.?

tripūruṣo nidhiścaiva āmrārāmādi kārayet / (12.1) Par.?

ekasya syānnidhiḥ śaṅkhaḥ svayaṃ bhuṅkte dhanādikam // (12.2) Par.?

kadannabhukparijano na ca śobhanavastradhṛk / (13.1) Par.?

svapoṣaṇaparaḥ śaṅkhī dadyātparanare vṛthā // (13.2) Par.?

miśrāvalokanān miśrasvabhāvaphaladāyinaḥ / (14.1) Par.?

nidhīnāṃ rūpamuktaṃ tu hariṇāpi harādike / (14.2) Par.?

harirbhuvanakośādi yathovāca tathā vade // (14.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe navanidhivarṇanaṃ nāma tripañcāśattamo 'dhyāyaḥ // (15.1) Par.?