Texts

brahmovāca / (1.1) Par.?

māghamāse śuklapakṣe sūryarkṣeṇa yutā purā / (1.2) Par.?

ekādaśī tathā caikā bhīmena samupoṣitā // (1.3) Par.?

āścaryaṃ tu vrataṃ kṛtvā pitṝṇāmanṛṇo 'bhavat / (2.1) Par.?

bhīmadvādaśī vikhyātā prāṇināṃ puṇyavardhinī // (2.2) Par.?

nakṣatreṇa vināpyeṣā brahmahatyādi nāśayet / (3.1) Par.?

vinihanti mahāpāpaṃ kunṛpo viṣayaṃ yathā // (3.2) Par.?

kuputtrastu kulaṃ yadvatkubhāryā ca patiṃ yathā / (4.1) Par.?

adharmaṃ ca yathā dharmaḥ kumantrī ca yathā nṛpam // (4.2) Par.?

ajñānena yathā jñānaṃ śaucam āśaucakaṃ yathā / (5.1) Par.?

aśraddhayā yathā śraddhā satyaṃ caivānṛtair yathā // (5.2) Par.?

himaṃ yathoṣṇamāhanyādanarthaṃ cārthasaṃcayaḥ / (6.1) Par.?

yathā prakartināddānaṃ tapo vai vismayādyathā // (6.2) Par.?

aśikṣayā yathā putro gāvo dūragatairyathā / (7.1) Par.?

krodhena ca yathā śāntiryathā vittamavaddhanāt // (7.2) Par.?

jñānenaiyathā vidyā niṣkāmena yathā phalam / (8.1) Par.?

tathaiva pāpanāśāya prokteyaṃ dvādaśī śubhā // (8.2) Par.?

brahmahatyā surāpānaṃ steyaṃ gurvaṅganāgamaḥ / (9.1) Par.?

yugapattu prajātā nihanti tripuṣkaram // (9.2) Par.?

na cāpi naimiṣaṃ kṣetraṃ kurukṣetraṃ prabhāsakam / (10.1) Par.?

kālindī yamunā gaṅgā na caiva na sarasvatī // (10.2) Par.?

caiva sarvatīrthāni ekādaśyāḥ samāni hi / (11.1) Par.?

na dānaṃ na japo homo na cānyatsukṛtaṃ kvacit // (11.2) Par.?

ekataḥ pṛthivīdānamekato harivāsaraḥ / (12.1) Par.?

tato 'pyekā mahāpuṇyā iyamekādaśī varā // (12.2) Par.?

asminvarāhapuruṣaṃ kṛtvā devaṃ tu hāṭakam / (13.1) Par.?

ghaṭopari nave pātre kṛtvā vai tāmrabhājane // (13.2) Par.?

sarvabījabhṛte viprāḥ sitavastrāvaguṇṭhite / (14.1) Par.?

sahiraṇyapradīpādyaiḥ kṛtvā pūjāṃ prayatnataḥ // (14.2) Par.?

varāhāya namaḥ pādau kroḍākṛtaye namaḥ kaṭim / (15.1) Par.?

nābhiṃ gaṃbhīraghoṣayā uraḥ śrīvatsadhāriṇe // (15.2) Par.?

bāhuṃ sahasraśirase grīvāṃ sarveśvarāya ca / (16.1) Par.?

mukhaṃ sarvātmane pūjyaṃ lalāṭaṃ prabhavāya ca // (16.2) Par.?

keśāḥ śatamayūkhāya pūjyā devasya cakriṇaḥ / (17.1) Par.?

vidhinā pūjayitvā tu kṛtvā jāgaraṇaṃ niśi // (17.2) Par.?

śrutvā purāṇaṃ devasya māhātmyapratipādakam / (18.1) Par.?

prātarviprāya dattvā ca yācakāya śubhāya tat // (18.2) Par.?

kanakakroḍasahitaṃ saṃnivedya paricchadam / (19.1) Par.?

paścāttu pāraṇaṃ kuryānnātitṛptaḥ sakṛdvrataḥ // (19.2) Par.?

evaṃ kṛtvā naro vidyānna bhūyastanapo bhavet / (20.1) Par.?

upoṣyaikādaśīṃ puṇyāṃ mucyate vai ṛṇatrayāt / (20.2) Par.?

mano'bhilaṣitāvāptiḥ kṛtvā sarvavratādikam // (20.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma saptaviṃśatyuttaraśatatamo 'dhyāyaḥ // (21.1) Par.?