Texts

janaka uvāca / (1.1) Par.?

kva bhūtāni kva deho vā kvendriyāṇi kva vā manaḥ / (1.2) Par.?

kva śūnyaṃ kva ca nairāśyaṃ matsvarūpe nirañjane // (1.3) Par.?

kva śāstraṃ kvātmavijñānaṃ kva vā nirviṣayaṃ manaḥ / (2.1) Par.?

kva tṛptiḥ kva vitṛṣṇatvaṃ gatadvandvasya me sadā // (2.2) Par.?

kva vidyā kva ca vāvidyā kvāhaṃ kvedaṃ mama kva vā / (3.1) Par.?

kva bandhaḥ kva ca vā mokṣaḥ svarūpasya kva rūpitā // (3.2) Par.?

kva prārabdhāni karmāṇi jīvanmuktir api kva vā / (4.1) Par.?

kva tad videhakaivalyaṃ nirviśeṣasya sarvadā // (4.2) Par.?

kva kartā kva ca vā bhoktā niṣkriyaṃ sphuraṇaṃ kva vā / (5.1) Par.?

kvāparokṣaṃ phalaṃ vā kva niḥsvabhāvasya me sadā // (5.2) Par.?

kva lokaḥ kva mumukṣur vā kva yogī jñānavān kva vā / (6.1) Par.?

kva baddhaḥ kva ca vā muktaḥ svasvarūpe 'ham advaye // (6.2) Par.?

kva sṛṣṭiḥ kva ca saṃhāraḥ kva sādhyaṃ kva ca sādhanam / (7.1) Par.?

kva sādhakaḥ kva siddhir vā svasvarūpe 'ham advaye // (7.2) Par.?

kva pramātā pramāṇaṃ vā kva prameyaṃ kva ca pramā / (8.1) Par.?

kva kiṃcit kva na kiṃcid vā sarvadā vimalasya me // (8.2) Par.?

kva vikṣepaḥ kva caikāgryaṃ kva nirbodhaḥ kva mūḍhatā / (9.1) Par.?

kva harṣaḥ kva viṣādo vā sarvadā niṣkriyasya me // (9.2) Par.?

kva caiṣa vyavahāro vā kva ca sā paramārthatā / (10.1) Par.?

kva sukhaṃ kva ca vā duḥkhaṃ nirvimarśasya me sadā // (10.2) Par.?

kva māyā kva ca saṃsāraḥ kva prītir viratiḥ kva vā / (11.1) Par.?

kva jīvaḥ kva ca tadbrahma sarvadā vimalasya me // (11.2) Par.?

kva pravṛttir nirvṛttir vā kva muktiḥ kva ca bandhanam / (12.1) Par.?

kūṭasthanirvibhāgasya svasthasya mama sarvadā // (12.2) Par.?

kvopadeśaḥ kva vā śāstraṃ kva śiṣyaḥ kva ca vā guruḥ / (13.1) Par.?

kva cāsti puruṣārtho vā nirupādheḥ śivasya me // (13.2) Par.?

kva cāsti kva ca vā nāsti kvāsti caikaṃ kva ca dvayam / (14.1) Par.?

bahunātra kim uktena kiṃcin nottiṣṭhate mama // (14.2) Par.?