Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): introductory sacrifice, prāyaṇīya
Show parallels Show headlines
Use dependency labeler
Chapter id: 12957
- Click on a sentence to show its analysis
- Keep the mouse pointer over a lemma to show its meanings.
prāyaṇīyam etad ahar bhavati // (1) Par.?
prāyaṇīyena vā ahnā devāḥ svargaṃ lokaṃ prāyan yat prāyaṃs tat prāyaṇīyasya prāyaṇīyatvam // (2) Par.?
tasmāt prāyaṇīyasyāhna ṛtvijā bhavitavyam etaddhi svargasya lokasya nediṣṭhaṃ ya etasyartviṅ na bhavati hīyate svargāllokāt // (3) Par.?
caturviṃśaṃ bhavati // (4) Par.?
caturviṃśatyakṣarā gāyatrī tejo brahmavarcasaṃ gāyatrī teja eva brahmavarcasam ārabhya prayanti // (5) Par.?
caturviṃśaṃ bhavati caturviṃśo vai saṃvvatsaraḥ sākṣād eva saṃvvatsaram ārabhante // (6) Par.?
yāvatyaś caturviṃśasyokthasya stotrīyās tāvatyaḥ saṃvvatsarasya rātrayaḥ stotrīyābhir eva tat saṃvvatsaram āpnuvanti // (7) Par.?
pañcadaśa stotrāṇi bhavanti pañcadaśārdhamāsasya rātrayo 'rdhamāsaśa eva tat saṃvvatsaram āpnuvanti // (8) Par.?
pañcadaśa stotrāṇi pañcadaśa śastrāṇi samāso māsaśa eva tat saṃvvatsaram āpnuvanti // (9) Par.?
tad āhur īrma iva vā eṣā hotrā yad acchāvākyā yad acchāvākam anusaṃtiṣṭhata īśvarermā bhavitor iti yadyukthaṃ sma traikakubhaṃ codvaṃśīyaṃ cāntataḥ pratiṣṭhāpye vīryaṃ vā ete sāmanī vīrya evāntataḥ pratitiṣṭhanti // (10) Par.?
atho khalvāhur agniṣṭomameva kāryam eṣa vai yajñaḥ svargyo yad agniṣṭoma ūrdhvo hi hotāram anusaṃtiṣṭhate // (11) Par.?
dvādaśa stotrāṇyagniṣṭomo dvādaśa māsāḥ saṃvvatsaras tena saṃvvatsarasaṃmito dvādaśa stotrāṇi dvādaśa śastrāṇi taccaturviṃśatiś caturviṃśatir ardhamāsāḥ saṃvvatsaras tena saṃvvatsarasaṃmitaḥ // (12) Par.?
atho khalvāhur uktham eva kāryam ahnaḥ samṛddhyai // (13) Par.?
sarvāṇi rūpāṇi kriyante sarvaṃ hyetenāhnāpyate // (14) Par.?
pavante vājasātaye somāḥ sahasrapājasa iti sahasravatī pratipat kāryā // (15) Par.?
saṃvvatsarasya rūpaṃ sarvān evainān etayā punāti sarvān abhivadati // (16) Par.?
atho khalvāhuḥ pavasva vāco agriya ity eva kāryā mukhaṃ vā etat saṃvvatsarasya yad vāco 'graṃ mukhata eva tat saṃvvatsaram ārabhante // (17) Par.?
mithunam iva vā eṣā vyāhṛtiḥ pavasveti puṃso rūpaṃ vāca iti striyāḥ someti puṃso rūpaṃ citrābhir iti striyā mithunam evaibhyo yajñamukhe dadhāti prajananāya // (18) Par.?
agne yuṅkṣvā hi ye taveti jarābodhīyam agniṣṭomasāma kāryaṃ yuktenaiva saṃvvatsareṇa prayanti caturviṃśatyakṣarāsu bhavati caturviṃśasya rūpam // (19) Par.?
atho khalvāhuryajñāyajñīyam eva kāryam // (20) Par.?
panthā vai yajñāyajñīyaṃ patha eva tan na yanti // (21) Par.?
Duration=0.076575040817261 secs.