UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9590
- Click on a sentence to show its analysis
- Keep the mouse pointer over a lemma to show its meanings.
athātaḥ saṃhitāyā upaniṣat // (1)
Par.?
pṛthivī pūrvarūpaṃ dyaur uttararūpaṃ vāyuḥ saṃhiteti śauravīro māṇḍūkeyaḥ // (2)
Par.?
ākāśaḥ saṃhitetyasya māṇḍavyo vedayāṃcakre sa hāviparihṛto mene na me 'sya putreṇa samagād iti // (3) Par.?
parihṛto mena ity āgastyaḥ // (4)
Par.?
samānaṃ hyatra pituśca putrasya ca vāyuś cākāśaś ca // (5)
Par.?
ityadhidaivatam // (6)
Par.?
athādhyātmam // (7)
Par.?
vāk pūrvarūpaṃ mana uttararūpaṃ prāṇaḥ saṃhiteti śauravīro māṇḍūkeyaḥ // (8)
Par.?
atha ha smāsya putra āha dīrghaḥ manasā vā agre kīrtayati tad vācā vadati // (9)
Par.?
tasmān mana eva pūrvarūpaṃ vāg uttararūpaṃ mano vāk prāṇas tveva saṃhiteti // (10)
Par.?
sa eṣo 'śvarathaḥ praṣṭivāhano manovākprāṇasaṃhitaḥ svargaṃ lokaṃ gamayati // (11)
Par.?
sa ya evam etāṃ saṃhitāṃ veda saṃdhīyate prajayā paśubhir yaśasā brahmavarcasena svargeṇa lokena sarvam āyur etīti nu māṇḍūkeyānām // (12)
Par.?
Duration=0.024284839630127 secs.