Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Agni
Show parallels Show headlines
Use dependency labeler
Chapter id: 9789
- Click on a sentence to show its analysis
- Keep the mouse pointer over a lemma to show its meanings.
mainam agne vi daho mābhi śoco māsya tvacaṃ cikṣipo mā śarīram / (1.1) Par.?
yadā śṛtaṃ kṛṇavo jātavedo 'them enam pra hiṇutāt pitṛbhyaḥ // (1.2) Par.?
śṛtaṃ yadā karasi jātavedo 'them enam pari dattāt pitṛbhyaḥ / (2.1) Par.?
yadā gacchāty asunītim etām athā devānāṃ vaśanīr bhavāti // (2.2) Par.?
sūryaṃ cakṣur gacchatu vātam ātmā dyāṃ ca gaccha pṛthivīṃ ca dharmaṇā / (3.1) Par.?
apo vā gaccha yadi tatra te hitam oṣadhīṣu prati tiṣṭhā śarīraiḥ // (3.2) Par.?
ajo bhāgas tapasā taṃ tapasva taṃ te śocis tapatu taṃ te arciḥ / (4.1) Par.?
yās te śivās tanvo jātavedas tābhir vahainaṃ sukṛtām u lokam // (4.2) Par.?
ava sṛja punar agne pitṛbhyo yas ta āhutaś carati svadhābhiḥ / (5.1) Par.?
āyur vasāna upa vetu śeṣaḥ saṃ gacchatāṃ tanvā jātavedaḥ // (5.2) Par.?
yat te kṛṣṇaḥ śakuna ātutoda pipīlaḥ sarpa uta vā śvāpadaḥ / (6.1) Par.?
agniṣ ṭad viśvād agadaṃ kṛṇotu somaś ca yo brāhmaṇāṁ āviveśa // (6.2) Par.?
agner varma pari gobhir vyayasva sam prorṇuṣva pīvasā medasā ca / (7.1) Par.?
net tvā dhṛṣṇur harasā jarhṛṣāṇo dadhṛg vidhakṣyan paryaṅkhayāte // (7.2) Par.?
imam agne camasam mā vi jihvaraḥ priyo devānām uta somyānām / (8.1) Par.?
eṣa yaś camaso devapānas tasmin devā amṛtā mādayante // (8.2) Par.?
kravyādam agnim pra hiṇomi dūraṃ yamarājño gacchatu ripravāhaḥ / (9.1) Par.?
ihaivāyam itaro jātavedā devebhyo havyaṃ vahatu prajānan // (9.2) Par.?
yo agniḥ kravyāt praviveśa vo gṛham imam paśyann itaraṃ jātavedasam / (10.1) Par.?
taṃ harāmi pitṛyajñāya devaṃ sa gharmam invāt parame sadhasthe // (10.2) Par.?
yo agniḥ kravyavāhanaḥ pitṝn yakṣad ṛtāvṛdhaḥ / (11.1) Par.?
pred u havyāni vocati devebhyaś ca pitṛbhya ā // (11.2) Par.?
uśantas tvā ni dhīmahy uśantaḥ sam idhīmahi / (12.1) Par.?
uśann uśata ā vaha pitṝn haviṣe attave // (12.2) Par.?
yaṃ tvam agne samadahas tam u nir vāpayā punaḥ / (13.1) Par.?
kiyāmbv atra rohatu pākadūrvā vyalkaśā // (13.2) Par.?
śītike śītikāvati hlādike hlādikāvati / (14.1) Par.?
maṇḍūkyā su saṃ gama imaṃ sv agniṃ harṣaya // (14.2) Par.?
Duration=0.057620048522949 secs.