UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 9825
- Click on a sentence to show its analysis
- Keep the mouse pointer over a lemma to show its meanings.
mahat tad ulbaṃ sthaviraṃ tad āsīd yenāviṣṭitaḥ praviveśithāpaḥ / (1.1)
Par.?
viśvā apaśyad bahudhā te agne jātavedas tanvo deva ekaḥ // (1.2)
Par.?
ko mā dadarśa katamaḥ sa devo yo me tanvo bahudhā paryapaśyat / (2.1)
Par.?
kvāha mitrāvaruṇā kṣiyanty agner viśvāḥ samidho devayānīḥ // (2.2)
Par.?
aicchāma tvā bahudhā jātavedaḥ praviṣṭam agne apsv oṣadhīṣu / (3.1)
Par.?
taṃ tvā yamo acikec citrabhāno daśāntaruṣyād ati rocamānam // (3.2)
Par.?
hotrād ahaṃ varuṇa bibhyad āyaṃ ned eva mā yunajann atra devāḥ / (4.1)
Par.?
tasya me tanvo bahudhā niviṣṭā etam arthaṃ na ciketāham agniḥ // (4.2) Par.?
ehi manur devayur yajñakāmo 'raṅkṛtyā tamasi kṣeṣy agne / (5.1)
Par.?
sugān pathaḥ kṛṇuhi devayānān vaha havyāni sumanasyamānaḥ // (5.2)
Par.?
agneḥ pūrve bhrātaro artham etaṃ rathīvādhvānam anv āvarīvuḥ / (6.1)
Par.?
tasmād bhiyā varuṇa dūram āyaṃ gauro na kṣepnor avije jyāyāḥ // (6.2)
Par.?
kurmas ta āyur ajaraṃ yad agne yathā yukto jātavedo na riṣyāḥ / (7.1)
Par.?
athā vahāsi sumanasyamāno bhāgaṃ devebhyo haviṣaḥ sujāta // (7.2)
Par.?
prayājān me anuyājāṃś ca kevalān ūrjasvantaṃ haviṣo datta bhāgam / (8.1)
Par.?
ghṛtaṃ cāpāṁ puruṣaṃ cauṣadhīnām agneś ca dīrgham āyur astu devāḥ // (8.2)
Par.?
tava prayājā anuyājāś ca kevala ūrjasvanto haviṣaḥ santu bhāgāḥ / (9.1)
Par.?
tavāgne yajño 'yam astu sarvas tubhyaṃ namantām pradiśaś catasraḥ // (9.2)
Par.?
Duration=0.060078859329224 secs.