UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 10646
- Click on a sentence to show its analysis
- Keep the mouse pointer over a lemma to show its meanings.
ṛdhaṅmantro yoniṃ ya ābabhūvāmṛtāsur vardhamānaḥ sujanmā / (1.1) Par.?
adabdhāsur bhrājamāno 'heva trito dhartā dādhāra trīṇi // (1.2)
Par.?
ā yo dharmāṇi prathamaḥ sasāda tato vapūṃṣi kṛṇuṣe purūṇi / (2.1)
Par.?
dhāsyur yoniṃ prathama ā viveśā yo vācam anuditāṃ ciketa // (2.2)
Par.?
yas te śokāya tanvaṃ rireca kṣaraddhiraṇyaṃ śucayo 'nu svāḥ / (3.1)
Par.?
atrā dadhete amṛtāni nāmāsme vastrāṇi viśa erayantām // (3.2)
Par.?
pra yad ete prataraṃ pūrvyaṃ guḥ sadaḥsada ātiṣṭhanto ajuryam / (4.1)
Par.?
kaviḥ śuṣasya mātarā rihāṇe jāmyai dhuryaṃ patim erayethām // (4.2)
Par.?
tad ū ṣu te mahat pṛthujman namaḥ kaviḥ kāvyenā kṛṇomi / (5.1)
Par.?
yat samyañcāv abhiyantāv abhi kṣām atrā mahī rodhacakre vāvṛdhete // (5.2)
Par.?
sapta maryādāḥ kavayas tatakṣus tāsām id ekām abhy aṃhuro gāt / (6.1)
Par.?
āyor ha skambha upamasya nīḍe pathāṃ visarge dharuṇeṣu tasthau // (6.2)
Par.?
utāmṛtāsur vrata emi kṛṇvann asur ātmā tanvas tat sumadguḥ / (7.1)
Par.?
uta vā śakro ratnaṃ dadhāty ūrjayā vā yat sacate havirdāḥ // (7.2)
Par.?
uta putraḥ pitaraṃ kṣatram īḍe jyeṣṭhaṃ maryādam ahvayant svastaye / (8.1)
Par.?
darśan nu tā varuṇa yās te viṣṭhā āvarvratataḥ kṛṇavo vapūṃṣi // (8.2)
Par.?
ardham ardhena payasā pṛṇakṣy ardhena śuṣma vardhase amura / (9.1)
Par.?
aviṃ vṛdhāma śagmiyaṃ sakhāyaṃ varuṇaṃ putram adityā iṣiram / (9.2)
Par.?
kaviśastāny asmai vapūṃṣy avocāma rodasī satyavācā // (9.3)
Par.?
Duration=0.031770944595337 secs.