UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 16491
- Click on a sentence to show its analysis
- Keep the mouse pointer over a lemma to show its meanings.
pramucyamānaṃ bhuvanasya gopaḥ paśuṃ no atra prati bhāgam etu / (1.1)
Par.?
agnir yajñaṃ trivṛtaṃ saptatantuṃ devo devebhyo havyaṃ vahatu prajānan // (1.2)
Par.?
yau te daṃṣṭrau sudihau ropayiṣṇū nir hvayete dakṣiṇāḥ saṃ ca paśyataḥ / (2.1)
Par.?
anāṣṭraṃ naḥ pitaras tat kṛṇotu yūpe baddhaṃ pramumucimā yad annam // (2.2)
Par.?
ahrastas tvam aviduṣṭaḥ parehīndrasya goṣṭham api dhāva vidvān / (3.1)
Par.?
dhīrāsas tvā kavayaḥ saṃ mṛjantv iṣam ūrjaṃ yajamānāya matsva // (3.2)
Par.?
ṛṣibhiṣ ṭvā saptabhir atriṇāhaṃ prati gṛhṇāmi bhuvane syonam / (4.1)
Par.?
jamadagniḥ kaśyapaḥ svādv etad bharadvājo madhv annaṃ kṛṇotu / (4.2)
Par.?
pratigrahītre gotamo vasiṣṭho viśvāmitro daduṣe śarma yacchāt // (4.3) Par.?
yan no agraṃ haviṣa ājagāmānnasya pātram uta sarpiṣo vā / (5.1)
Par.?
yad vā dhanaṃ vahator ājagāmāgniṣ ṭad dhotā suhutaṃ kṛṇotu // (5.2)
Par.?
yad ājyaṃ pratijagrabha yāṃś ca vrīhīn ajaṃ candreṇa saha yaj jaghāsa / (6.1)
Par.?
bṛhaspatir haviṣo no vidhartā mā no hiṃsīc chāgo aśvo vaśā ca // (6.2)
Par.?
agnir na etat prati gṛhṇātu vidvān bṛhaspatiḥ praty etu prajānan / (7.1)
Par.?
indro marutvān suhutaṃ kṛṇotv ayakṣmam anamīvaṃ te astu // (7.2)
Par.?
yan no dadur varāham akṣitaṃ vasu yad vā talpam upadhānena naḥ saha / (8.1)
Par.?
yad vāviyūthaṃ saha vṛṣṇyā no agniṣ ṭad dhotā suhutaṃ kṛṇotu // (8.2)
Par.?
yan naḥ śālāṃ viśvabhogām imāṃ dadur gṛhaṃ vā yoktraṃ saha kṛttyota / (9.1)
Par.?
yad vā hara upanāhena devā agniṣ ṭad dhotā suhutaṃ kṛṇotu // (9.2)
Par.?
Duration=0.050136089324951 secs.