UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 14607
- Click on a sentence to show its analysis
- Keep the mouse pointer over a lemma to show its meanings.
agnāv agniś carati praviṣṭa ṛṣīṇāṃ putro adhirāja eṣaḥ / (1.1)
Par.?
tasmai juhomi haviṣā ghṛtena mā devānāṃ yūyavad bhāgadheyam // (1.2)
Par.?
yukto vaha jātavedaḥ purastād agne viddhi kriyamāṇaṃ yathedam / (2.1)
Par.?
tvaṃ bhiṣag bheṣajasyāpi kartā tvayā gām aśvaṃ puruṣaṃ sanema // (2.2)
Par.?
tathā tvam agne kṛṇu jātavedo anena vidvān haviṣā yaviṣṭha / (3.1)
Par.?
piśāco asya yatamo jaghāsa yathā so asya paridhiṣ patāti // (3.2)
Par.?
yo 'sya dideva yatamo jaghāsa yathā so asya paridhiṣ patāti / (4.1) Par.?
tathā tvam agne kṛṇu jātavedo viśvebhir devaiḥ saha saṃvidānaḥ // (4.2)
Par.?
akṣyau ni vidhya hṛdayaṃ ni vidhya jihvāṃ ni tṛndhi pra dataḥ śṛṇīhi / (5.1)
Par.?
piśāco asya yatamo jaghāsāgne yaviṣṭha prati taṃ śṛṇīhi // (5.2)
Par.?
yad asya hṛtaṃ vihṛtaṃ yat parābhṛtam ātmano jagdham uta yat piśācaiḥ / (6.1)
Par.?
tad agne vidvān punar ā bhara tvaṃ śarīre prāṇam asum erayāsya // (6.2)
Par.?
apāṃ tvā pāne yatamo dadambhaudane manthe yadi vota lehe / (7.1)
Par.?
tad ātmanā prajayā piśācā vi yātayantām agado 'yam astu // (7.2)
Par.?
kṣīre tvā māṃse yatamo dadambhākṛṣṭapacye aśane dhānye yaḥ / (8.1)
Par.?
tad ātmanā prajayā piśācā vi yātayantām agado 'yam astu // (8.2)
Par.?
āme supakve śabale vipakve ya imaṃ piśāco aśane dadambha / (9.1)
Par.?
tam indro vājī vajreṇa hantu bhinattu somaḥ śiro asya dhṛṣṇuḥ // (9.2)
Par.?
divā tvā naktaṃ yatamo dadambha kravyād yātuḥ śayane piśācaḥ / (10.1)
Par.?
tam agne vidvān pra daha kṣiṇīhy apy enaṃ dhehi nirṛter upasthe // (10.2)
Par.?
Duration=0.074496030807495 secs.