UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5338
- Click on a sentence to show its analysis
- Keep the mouse pointer over a lemma to show its meanings.
athāto yasyaśyāvanimittīyamindriyaṃ vyākhyāsyāmaḥ // (1.1)
Par.?
iti ha smāha bhagavānātreyaḥ // (2.1)
Par.?
yasya śyāve paridhvaste harite cāpi darśane / (3.1)
Par.?
āpanno vyādhirantāya jñeyastasya vijānatā // (3.2)
Par.?
niḥsaṃjñaḥ pariśuṣkāsyaḥ samṛddho vyādhibhiśca yaḥ / (4.1)
Par.?
uparuddhāyuṣaṃ jñātvā taṃ dhīraḥ parivarjayet // (4.2)
Par.?
haritāśca sirā yasya lomakūpāśca saṃvṛtāḥ / (5.1) Par.?
so 'mlābhilāṣī puruṣaḥ pittānmaraṇamaśnute // (5.2)
Par.?
śarīrāntāśca śobhante śarīraṃ copaśuṣyati / (6.1)
Par.?
balaṃ ca hīyate yasya rājayakṣmā hinasti tam // (6.2)
Par.?
aṃsābhitāpo hikkā ca chardanaṃ śoṇitasya ca / (7.1)
Par.?
ānāhaḥ pārśvaśūlaṃ ca bhavatyantāya śoṣiṇaḥ // (7.2)
Par.?
vātavyādhirapasmārī kuṣṭhī śophī tathodarī / (8.1)
Par.?
gulmī ca madhumehī ca rājayakṣmī ca yo naraḥ // (8.2)
Par.?
acikitsyā bhavantyete balamāṃsakṣaye sati / (9.1)
Par.?
anyeṣvapi vikāreṣu tān bhiṣak parivarjayet // (9.2)
Par.?
virecanahṛtānāho yastṛṣṇānugato naraḥ / (10.1)
Par.?
viriktaḥ punar ādhmāti yathā pretastathaiva saḥ // (10.2)
Par.?
peyaṃ pātuṃ na śaknoti kaṇṭhasya ca mukhasya ca / (11.1)
Par.?
urasaśca viśuṣkatvād yo naro na sa jīvati // (11.2)
Par.?
svarasya durbalībhāvaṃ hāniṃ ca balavarṇayoḥ / (12.1)
Par.?
rogavṛddhimayuktyā ca dṛṣṭvā maraṇamādiśet // (12.2)
Par.?
ūrdhvaśvāsaṃ gatoṣmāṇaṃ śūlopahatavaṅkṣaṇam / (13.1)
Par.?
śarma cānadhigacchantaṃ buddhimān parivarjayet // (13.2)
Par.?
apasvaraṃ bhāṣamāṇaṃ prāptaṃ maraṇamātmanaḥ / (14.1)
Par.?
śrotāraṃ cāpyaśabdasya dūrataḥ parivarjayet // (14.2)
Par.?
yaṃ naraṃ sahasā rogo durbalaṃ parimuñcati / (15.1)
Par.?
saṃśayaprāptamātreyo jīvitaṃ tasya manyate // (15.2)
Par.?
atha cejjñātayastasya yāceran praṇipātataḥ / (16.1)
Par.?
rasenādyāditi brūyānnāsmai dadyādviśodhanam // (16.2)
Par.?
māsena cenna dṛśyeta viśeṣastasya śobhanaḥ / (17.1)
Par.?
rasaiścānyair bahuvidhair durlabhaṃ tasya jīvitam // (17.2)
Par.?
niṣṭhyūtaṃ ca purīṣaṃ ca retaścāmbhasi majjati / (18.1)
Par.?
yasya tasyāyuṣaḥ prāptamantamāhurmanīṣiṇaḥ // (18.2)
Par.?
niṣṭhyūte yasya dṛśyante varṇā bahuvidhāḥ pṛthak / (19.1)
Par.?
tacca sīdaty apaḥ prāpya na sa jīvitumarhati // (19.2)
Par.?
pittamūṣmānugaṃ yasya śaṅkhau prāpya vimūrchati / (20.1)
Par.?
sa rogaḥ śaṅkhako nāmnā trirātrāddhanti jīvitam // (20.2)
Par.?
saphenaṃ rudhiraṃ yasya muhurāsyāt prasicyate / (21.1)
Par.?
śūlaiśca tudyate kukṣiḥ pratyākhyeyastathāvidhaḥ // (21.2)
Par.?
balamāṃsakṣayastīvro rogavṛddhirarocakaḥ / (22.1)
Par.?
yasyāturasya lakṣyante trīn pakṣānna sa jīvati // (22.2)
Par.?
tatra ślokau / (23.1)
Par.?
vijñānāni manuṣyāṇāṃ maraṇe pratyupasthite / (23.2)
Par.?
bhavantyetāni saṃpaśyedanyānyevaṃvidhāni ca // (23.3)
Par.?
tāni sarvāṇi lakṣyante na tu sarvāṇi mānavam / (24.1)
Par.?
viśanti vinaśiṣyantaṃ tasmādbodhyāni sarvataḥ // (24.2)
Par.?
Duration=0.079713106155396 secs.