Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 12835
- Click on a sentence to show its analysis
- Keep the mouse pointer over a lemma to show its meanings.
yad agnayo 'nugaccheyuḥ kiṃ tatra karma kā prāyaścittir iti // (1) Par.?
tam u haika ulmukād eva nirmanthanti yato vai manuṣyasyāntato naśyati tato vāva sa tasya prāyaścittim icchata iti vadantaḥ // (2) Par.?
tad u tathā na vidyāt // (3) Par.?
ulmukaṃ hy eva tata ādāya cared ulmukasya vāvavraścam // (4) Par.?
ittham eva kuryāt // (5) Par.?
ulmukād evāpacchidyāraṇyor abhivimanthet // (6) Par.?
upāha taṃ kāmam āpnoti ya ulmukamathya upo taṃ yo 'raṇyoḥ // (7) Par.?
atho khalv āhur yad āhavanīya uddhṛto 'nugacchet kiṃ tatra karma kā prāyaścittir iti // (8) Par.?
ananugato vā eṣa tāvad bhavati yāvad gārhapatyo nānugacchati // (9) Par.?
sa yady api bahv iva kṛtvo 'nugacchet punaḥpunar evainam uddharet // (10) Par.?
etad evātra karma // (11) Par.?
atho khalv āhur yad āhavanīya uddhṛte gārhapatyo 'nugacchet kiṃ tatra karma kā prāyaścittir iti // (12) Par.?
tam u haike tata eva prāñcam uddharanti // (13) Par.?
tad u tathā na kuryāt // (14) Par.?
yo ha tatra brūyāt prāco nvā ayaṃ yajamānasya prāṇān prāvṛkṣan mariṣyaty ayaṃ yajamāna iti tathā haiva syāt // (15) Par.?
tam u haike tata eva pratyañcam āharanti // (16) Par.?
prāṇo vai gārhapatyo 'pāna āhavanīyaḥ // (17) Par.?
saṃvidānau vā imau prāṇāpānāv annam atta iti vadantaḥ // (18) Par.?
atho gṛho vai gārhapatyaḥ // (19) Par.?
pratiṣṭho vai gṛhāḥ // (20) Par.?
sa ya enaṃ tatra brūyāt pra nvā ayam asyai pratiṣṭhāyā acyoṣṭa mariṣyaty ayaṃ yajamāna iti tathā haiva syāt // (21) Par.?
tam u haike gārhapatya eva mathitvopasamādadhati // (22) Par.?
tad u tathā na kuryāt // (23) Par.?
yo ha tatra brūyād agnāv adhy agnim ajījanat kṣipre 'sya dviṣan bhrātṛvyo janiṣyata iti tathā haiva syāt // (24) Par.?
tam u haike 'nugamayya manthanti // (25) Par.?
tad u tathā na kuryāt // (26) Par.?
yo ha tatra brūyād api yat pariśiṣṭam abhūt tad ajījasan nāsya dāyādaś cana pariśekṣyata iti tathā haiva syāt // (27) Par.?
ittham eva kuryāt // (28) Par.?
araṇyor eva samārohayeta ayaṃ te yonir ṛtviyo yato jāto arocathās taṃ jānann agna ārohāthā no vardhayā rayim athā no vardhayā gira iti vā // (29) Par.?
sa udavasāya juhvad vaset // (30) Par.?
navāvasāne hāsyobhayatorātraṃ hutaṃ bhavati no kāṃcana paricakṣāṃ kurute // (31) Par.?
sa prātar bhasmoddhṛtya śakṛtpiṇḍena parilipya yathāyatham agnīn ādadhīta // (32) Par.?
etad evātra karma // (33) Par.?
Duration=0.11215901374817 secs.