Texts

athaitad vāmadevyam // (1) Par.?

ā pratihārād anavānaṃ geyam // (2) Par.?

prāṇo hi vāmadevyam // (3) Par.?

prāṇān ned avacchidyāmahā iti // (4) Par.?

no hānyasyānuvartma geyam // (5) Par.?

īśvaro hopajīvī bhavitor yo 'nyasyānuvartma gāyati // (6) Par.?

svadhūr eva geyam // (7) Par.?

taddha smāha brahmadattaś caikitāneyo rūkṣitam ivaitad yad vāmadevyaṃ nirdhūtam iva // (8) Par.?

sāmāni hy asmāt sṛṣṭāni // (9) Par.?

yathā jaratkośo vā syād aśvataro vā vicchidvahāḥ // (10) Par.?

pṛṣṭhaṃ pṛṣṭhaṃ hi prativahatīti // (11) Par.?

tasmin pṛṣṭharūpaṃ vā gāyed etā vā vyāhṛtīr vyāhṛtyodgāyed gauś cāśvaś cājā cāviś ca vrīhiś ca yavaś ceti // (12) Par.?

gaur eva rathantaram // (13) Par.?

aśvo bṛhat // (14) Par.?

ajā vairūpam // (15) Par.?

avir vairājam // (16) Par.?

vrīhayaś śakvaryaḥ // (17) Par.?

yavā revatayaḥ // (18) Par.?

tad ye 'smād rasāt sṛṣṭā bhavanti tān asmin dadhāti // (19) Par.?

tad āpyāyayati // (20) Par.?

tenāsyāpīnena rasavatā stutaṃ bhavati // (21) Par.?

sa yadi vṛṣṭikāmaḥ syād āpo vāyur āpo vāyur iti purastād vyāhṛtya vāmadevyena stuvīta // (22) Par.?

tatho haivāsmai varṣati // (23) Par.?

atho paśavo vai vāmadevyam // (24) Par.?

sa paśumān bhavati ya evaṃ vidvān vāmadevyena stute // (25) Par.?

taddha vai sugītaṃ brahmasāmno yad enad brahmalokaiḥ sampādyodgāyati // (26) Par.?

sapta kṛtvo brahmasāmnaḥ prarohati // (27) Par.?

saptama u loke brahma // (28) Par.?

vāsor māndāno vā iti catuḥ prārukṣat // (29) Par.?

āndhāsā bhī vātsān no vā iti triḥ // (30) Par.?

tat sapta sampadyante // (31) Par.?