Texts

Help

Select a text:
Bibliography
Select a chapter:
 (no revisions)
Associated topic(s): vājapeya

Show parallels  Show headlines
Use dependency labeler
Chapter id: 12872
  • Click on a sentence to show its analysis
  • Keep the mouse pointer over a lemma to show its meanings.
I 11,5(1) Der Opferherr des Vājapeya
devā vai nānā yajñān apaśyan // (1) Par.?
atha vā etaṃ sarve 'paśyan // (2) Par.?
tasmin vā ayatanta // (3) Par.?
tasminn ājim ayuḥ // (4) Par.?
taṃ bṛhaspatir udajayat // (5) Par.?
bṛhaspatir vai devānāṃ purohitaḥ // (6) Par.?
yad vai purohito brāhmaṇaṃ śṛṇoti tad rājñe // (7) Par.?
tenendram ayājayat // (8) Par.?
sa svārājyam agacchat // (9) Par.?
sa eṣa svārājyo yajñaḥ // (10) Par.?
svārājyaṃ gacchati ya etena yajate // (11) Par.?
yad bṛhaspatir udajayat tasmād brāhmaṇo yajeta // (12) Par.?
yad indram ayājayaṃs tasmād rājanyaḥ // (13) Par.?
I 11,5(2) Die Ujjiti-Sprche
devā vai nānā yajñān āharan // (14) Par.?
imam aham imaṃ tvam iti // (15) Par.?
atha vā etaṃ prajāpatir āharat // (16) Par.?
tasmin vā apitvam aicchanta // (17) Par.?
tebhyaś chandāṃsy ujjitīḥ prāyacchat // (18) Par.?
atha vā etena prajāpatir ayajata // (19) Par.?
sa svārājyam agacchat // (20) Par.?
sa eṣa svārājyo yajñaḥ // (21) Par.?
svārājyam gacchati ya etena yajate // (22) Par.?
I 11,5(3) Der Vājapeya und der Soma
annaṃ vai vājaḥ // (23) Par.?
tad ya evaṃ vidvān annam atti vājayati ha vā enam annam adyamānam // (24) Par.?
somo vai vājapeyaḥ // (25) Par.?
tad ya evaṃ vidvānt somaṃ pibati vājaṃ ha gacchati // (26) Par.?
yāvanto hi devāḥ somam apibaṃs te vājam agacchan // (27) Par.?
tasmāt sarvaḥ somaṃ pipāsati // (28) Par.?
vājaṃ ha gacchati // (29) Par.?
I 11,5(4) Der Vājapeya und Sāmans
vāgghi vājasya prasavaḥ // (30) Par.?
sā vai vāk sṛṣṭā caturdhā vyabhavat // (31) Par.?
eṣu lokeṣu trīṇi turīyāṇi paśuṣu turīyam // (32) Par.?
yā pṛthivyāṃ sāgnau sā rathantare // (33) Par.?
yāntarikṣe sā vāte sā vāmadevye // (34) Par.?
yā divi sā bṛhati sā stanayitnau // (35) Par.?
atha paśuṣu // (36) Par.?
tato yā vāg atyaricyata tāṃ brāhmaṇe nyadadhuḥ // (37) Par.?
tasmād brāhmaṇa ubhayīṃ vācaṃ vadati yaś ca veda yaś ca na // (38) Par.?
yā bṛhadrathantarayor yajñād enaṃ tayāgacchati // (39) Par.?
yā paśuṣu taya ṛteyajñam // (40) Par.?
tad ya evaṃ vedā ha vā enam apratikśātaṃ gacchati // (41) Par.?
yāvatī vāk tāṃ hi veda // (42) Par.?
vācā hi dīyate vācā pradīyate // (43) Par.?
yo gāthānārāśaṃsībhyāṃ sanoti na tasya pratigṛhyam // (44) Par.?
anṛtena hi sa tat sanoti // (45) Par.?
na mattasya // (46) Par.?
yadā hi tasya mado vyety atha taṃ tat tapati // (47) Par.?
Duration=0.097318887710571 secs.