Texts

tad etad ukthaṃ saptavidham / (1.1) Par.?

śasyate stotriyo 'nurūpo dhāyyā pragāthaḥ sūktaṃ nivit paridhānīyā // (1.2) Par.?

iyam eva stotriyo 'gnir anurūpo vāyur dhāyyāntarikṣam pragātho dyauḥ sūktam ādityo nivit / (2.1) Par.?

tasmād bahvṛcā udite nividam adhīyante / (2.2) Par.?

ādityo hi nivit / (2.3) Par.?

diśaḥ paridhānīyety adhidevatam // (2.4) Par.?

athādhyātmam / (3.1) Par.?

ātmaiva stotriyaḥ prajānurūpaḥ prāṇo dhāyyā manaḥ pragāthaḥ śiraḥ sūktaṃ cakṣur nivic chrotram paridhānīyā // (3.2) Par.?

taddhaitad eke triṣṭubhā paridadhaty anuṣṭubhaike / (4.1) Par.?

triṣṭubhā tv eva paridadhyāt // (4.2) Par.?

taddhaitad eka etā vyāhṛtīr abhivyāhṛtya śaṃsanti mahān mahyā samadhatta devo devyā samadhatta brahma brāhmaṇyā samadhatta / (5.1) Par.?

tad yat samadhatta samadhatteti // (5.2) Par.?

tasmād idānīm puruṣasya śarīrāṇi pratisaṃhitāni / (6.1) Par.?

puruṣo hy etad uktham // (6.2) Par.?

mahān mahyā samadhatteti / (7.1) Par.?

agnir vai mahān iyam eva mahī // (7.2) Par.?

devo devyā samadhatteti / (8.1) Par.?

vāyur vai devo 'ntarikṣaṃ devī // (8.2) Par.?

brahma brāhmaṇyā samadhatteti / (9.1) Par.?

ādityo vai brahma dyaur brāhmaṇī // (9.2) Par.?

tāsāṃ vā etāsāṃ devatānāṃ dvayordvayor devatayor navanavākṣarāṇi sampadyante / (10.1) Par.?

etad ime lokās triṇavā bhavanti // (10.2) Par.?

tad brahma vai trivṛt / (11.1) Par.?

tad brahmābhivyāhṛtya śaṃsanti / (11.2) Par.?

eṣa u eva stomaḥ so 'nucaraḥ // (11.3) Par.?

yad imam āhur ekastoma ity ayam eva yo 'yam pavate / (12.1) Par.?

eṣo 'dhidevatam / (12.2) Par.?

prāṇo 'dhyātmam / (12.3) Par.?

tasya śarīram anucaraḥ // (12.4) Par.?

tad yathā ha vai maṇau maṇisūtraṃ samprotaṃ syāt // (13.1) Par.?