Texts

Help

Select a text:
Bibliography

Select a chapter:
(no revisions)

Associated topic(s): hathayoga

Show parallels Show headlines
Use dependency labeler

Chapter id: 270

Click on a sentence to show its analysis
Keep the mouse pointer over a lemma to show its meanings.

ādīśvarāya praṇamāmi tasmai yenopadiṣṭā haṭhayogavidyā / (1.1) Par.?

virājate pronnatarājayogam āroḍhum icchor adhirohiṇīva // (1.2) Par.?

ekadā caṇḍakāpālir gatvā gheraṇḍakuṭṭiram / (2.1) Par.?

praṇamya vinayād bhaktyā gheraṇḍaṃ paripṛcchati // (2.2) Par.?

caṇḍakāpālir uvāca / (3.1) Par.?

ghaṭasthayogaṃ yogeśa tattvajñānasya kāraṇam / (3.2) Par.?

idānīṃ śrotum icchāmi yogeśvara vada prabho // (3.3) Par.?

gheraṇḍa uvāca / (4.1) Par.?

sādhu sādhu mahābāho yan māṃ tvaṃ paripṛcchasi / (4.2) Par.?

kathayāmi hi te tattvaṃ sāvadhāno 'vadhāraya // (4.3) Par.?

nāsti māyāsamaḥ pāśo nāsti yogāt paraṃ balam / (5.1) Par.?

na hi jñānāt paro bandhur nāhaṃkārāt paro ripuḥ // (5.2) Par.?

abhyāsāt kādivarṇāder yathā śāstrāṇi bodhayet / (6.1) Par.?

tathā yogaṃ samāsādya tattvajñānaṃ ca labhyate // (6.2) Par.?

sukṛtair duṣkṛtaiḥ kāryair jāyate prāṇināṃ ghaṭaḥ / (7.1) Par.?

ghaṭād utpadyate karma ghaṭayantraṃ yathā bhramet // (7.2) Par.?

ūrdhvādho bhramate yadvad ghaṭayantraṃ gavāṃ vaśāt / (8.1) Par.?

tadvat karmavaśāj jīvo bhramate janmamṛtyunā // (8.2) Par.?

āmakumbha ivāmbhaḥstho jīryamāṇaḥ sadā ghaṭaḥ / (9.1) Par.?

yogānalena saṃdahya ghaṭaśuddhiṃ samācaret // (9.2) Par.?

śodhanaṃ dṛḍhatā caiva sthairyaṃ dhairyaṃ ca lāghavam / (10.1) Par.?

pratyakṣaṃ ca nirliptaṃ ca ghaṭasthaṃ saptasādhanam // (10.2) Par.?

ṣaṭkarmaṇā śodhanaṃ ca āsanena bhaved dṛḍham / (11.1) Par.?

mudrayā sthiratā caiva pratyāhāreṇa dhairyatā // (11.2) Par.?

prāṇāyāmāl lāghavaṃ ca dhyānāt pratyakṣam ātmani / (12.1) Par.?

samādhinā nirliptaṃ ca muktir eva na saṃśayaḥ // (12.2) Par.?

dhautir vastis tathā netir laulikī trāṭakaṃ tathā / (13.1) Par.?

kapālabhātiś caitāni ṣaṭkarmāṇi samācaret // (13.2) Par.?

antardhautir dantadhautir hṛddhautir mūlaśodhanam / (14.1) Par.?

dhautyaś caturvidhāḥ proktā ghaṭaṃ kurvanti nirmalam // (14.2) Par.?

vātasāraṃ vārisāraṃ vahnisāraṃ bahiṣkṛtam / (15.1) Par.?

ghaṭasya nirmalārthāya hy antardhautiś caturvidhā // (15.2) Par.?

kākacañcūvad āsyena pibed vāyuṃ śanaiḥ śanaiḥ / (16.1) Par.?

cālayed udaraṃ paścād vartmanā recayec chanaiḥ // (16.2) Par.?

vātasāraṃ paraṃ gopyaṃ dehanirmalakārakam / (17.1) Par.?

sarvarogakṣayakaraṃ dehānalavivardhakam // (17.2) Par.?

ā kaṇṭhaṃ pūrayed vāri vaktreṇa ca pibec chanaiḥ / (18.1) Par.?

cālayed udareṇaiva codarād recayed adhaḥ // (18.2) Par.?

vārisāraṃ paraṃ gopyaṃ dehanirmalakārakam / (19.1) Par.?

sādhayed yaḥ prayatnena devadehaṃ prapadyate // (19.2) Par.?

vārisāraṃ parāṃ dhautiṃ sādhayed yaḥ prayatnataḥ / (20.1) Par.?

maladehaṃ śodhayitvā devadehaṃ prapadyate // (20.2) Par.?

nābhigranthiṃ merupṛṣṭhe śatavāraṃ ca kārayet / (21.1) Par.?

udarāmayajaṃ tyaktvā jāṭharāgniṃ vivardhayet / (21.2) Par.?

vahnisāram iyaṃ dhautir yogināṃ yogasiddhidā // (21.3) Par.?

eṣā dhautiḥ parā gopyā na prakāśyā kadācana / (22.1) Par.?

kevalaṃ dhautimātreṇa devadeho bhaved dhruvam // (22.2) Par.?

kākīmudrāṃ sādhayitvā pūrayed udaraṃ mahat / (23.1) Par.?

dhārayed ardhayāmaṃ tu cālayed ardhavartmanā / (23.2) Par.?

eṣā dhautiḥ parā gopyā na prakāśyā kadācana // (23.3) Par.?

nābhimagnajale sthitvā śaktināḍīṃ vimarjayet / (24.1) Par.?

karābhyāṃ kṣālayen nāḍīṃ yāvan malavisarjanam // (24.2) Par.?

tāvat prakṣālya nāḍīṃ ca udare veśayet punaḥ / (25.1) Par.?

idaṃ prakṣālanaṃ gopyaṃ devānām api durlabham / (25.2) Par.?

kevalaṃ dhautimātreṇa devadeho bhaved dhruvam // (25.3) Par.?

yāmārdhaṃ dhāraṇāśaktiṃ yāvan na sādhayen naraḥ / (26.1) Par.?

bahiṣkṛtaṃ mahādhautī tāvan naiva tu jāyate // (26.2) Par.?

dantamūlaṃ jihvāmūlaṃ randhraṃ ca karṇayugmayoḥ / (27.1) Par.?

kapālarandhraṃ pañceti dantadhautir vidhīyate // (27.2) Par.?

khadireṇa rasenātha mṛttikayā ca śuddhayā / (28.1) Par.?

mārjayed dantamūlaṃ ca yāvat kilbiṣam āharet // (28.2) Par.?

dantamūlaṃ parā dhautir yogināṃ yogasādhane / (29.1) Par.?

nityaṃ kuryāt prabhāte ca dantarakṣāya yogavit / (29.2) Par.?

dantamūlaṃ dhāraṇādikāryeṣu yogināṃ yataḥ // (29.3) Par.?

athātaḥ sampravakṣyāmi jihvāśodhanakāraṇam / (30.1) Par.?

jarāmaraṇarogādīn nāśayed dīrghalambikā // (30.2) Par.?

tarjanīmadhyamānāmā aṅgulitrayayogataḥ / (31.1) Par.?

veśayed galamadhye tu mārjayel lambikāmalam / (31.2) Par.?

śanaiḥ śanair mārjayitvā kaphadoṣaṃ nivārayet // (31.3) Par.?

mārjayen navanītena dohayec ca punaḥ punaḥ / (32.1) Par.?

tadagraṃ lauhayantreṇa karṣayitvā punaḥ punaḥ // (32.2) Par.?

nityaṃ kuryāt prayatnena raver udayake 'stake / (33.1) Par.?

evaṃ kṛte tu nitye ca lambikā dīrghatāṃ gatā // (33.2) Par.?

tarjanyaṅgulyagrayogān mārjayet karṇarandhrayoḥ / (34.1) Par.?

nityam abhyāsayogena nādāntaraṃ prakāśanam // (34.2) Par.?

vṛddhāṅguṣṭhena dakṣeṇa mardayed bhālarandhrakam / (35.1) Par.?

evam abhyāsayogena kaphadoṣaṃ nivārayet // (35.2) Par.?

nāḍī nirmalatāṃ yāti divyadṛṣṭiḥ prajāyate / (36.1) Par.?

nidrānte bhojanānte ca divānte ca dine dine // (36.2) Par.?

hṛddhautiṃ trividhāṃ kuryād daṇḍavamanavāsasā // (37.1) Par.?

rambhādaṇḍaṃ hariddaṇḍaṃ vetradaṇḍaṃ tathaiva ca / (38.1) Par.?

hṛnmadhye cālayitvā tu punaḥ pratyāharec chanaiḥ // (38.2) Par.?

kaphapittaṃ tathā kledaṃ recayed ūrdhvavartmanā / (39.1) Par.?

daṇḍadhautividhānena hṛdrogaṃ nāśayed dhruvam // (39.2) Par.?

bhojanānte pibed vāri ā karṇapūritaṃ sudhīḥ / (40.1) Par.?

ūrdhvadṛṣṭiṃ kṣaṇaṃ kṛtvā taj jalaṃ vamayet punaḥ / (40.2) Par.?

nityam abhyāsayogena kaphapittaṃ nivārayet // (40.3) Par.?

ekonaviṃśatir hastaḥ pañcaviṃśati vai tathā / (41.1) Par.?

caturaṅgulavistāraṃ sūkṣmavastraṃ śanair graset / (41.2) Par.?

punaḥ pratyāhared etat procyate dhautikarmakam // (41.3) Par.?

gulmajvaraplīhākuṣṭhakaphapittaṃ vinaśyati / (42.1) Par.?

ārogyaṃ balapuṣṭiś ca bhavet tasya dine dine // (42.2) Par.?

apānakrūratā tāvad yāvan mūlaṃ na śodhayet / (43.1) Par.?

tasmāt sarvaprayatnena mūlaśodhanam ācaret // (43.2) Par.?

pītamūlasya daṇḍena madhyamāṅgulināpi vā / (44.1) Par.?

yatnena kṣālayed guhyaṃ vāriṇā ca punaḥ punaḥ // (44.2) Par.?

vārayet koṣṭhakāṭhinyam āmājīrṇaṃ nivārayet / (45.1) Par.?

kāraṇaṃ kāntipuṣṭyoś ca dīpanaṃ vahnimaṇḍalam // (45.2) Par.?

jalavastiḥ śuṣkavastir vastī ca dvividhau smṛtau / (46.1) Par.?

jalavastiṃ jale kuryāc chuṣkavastiṃ kṣitau sadā // (46.2) Par.?

nābhimagnajale pāyuṃ nyastavān utkaṭāsanam / (47.1) Par.?

ākuñcanaṃ prakāśaṃ ca jalavastiṃ samācaret // (47.2) Par.?

pramehaṃ ca gudāvartaṃ krūravāyuṃ nivārayet / (48.1) Par.?

bhavet svacchandadehaś ca kāmadevasamo bhavet // (48.2) Par.?

vastiṃ paścimatānena cālayitvā śanaiḥ śanaiḥ / (49.1) Par.?

aśvinīmudrayā pāyum ākuñcayet prakāśayet // (49.2) Par.?

evam abhyāsayogena koṣṭhadoṣo na vidyate / (50.1) Par.?

vivardhayej jāṭharāgnim āmavātaṃ vināśayet // (50.2) Par.?

vitastimānaṃ sūkṣmasūtraṃ nāsānāle praveśayet / (51.1) Par.?

mukhān nirgamayet paścāt procyate netikarmakam // (51.2) Par.?

sādhanān netikarmāpi khecarīsiddhim āpnuyāt / (52.1) Par.?

kaphadoṣā vinaśyanti divyadṛṣṭiḥ prajāyate // (52.2) Par.?

amandavegaṃ tundaṃ ca bhrāmayed ubhapārśvayoḥ / (53.1) Par.?

sarvarogān nihantīha dehānalavivardhanam // (53.2) Par.?

nimeṣonmeṣakaṃ tyaktvā sūkṣmalakṣyaṃ nirīkṣayet / (54.1) Par.?

yāvad aśru nipatate trāṭakaṃ procyate budhaiḥ // (54.2) Par.?

evam abhyāsayogena śāṃbhavī jāyate dhruvam / (55.1) Par.?

na jāyate netrarogaḥ divyadṛṣṭipradāyakam // (55.2) Par.?

vāmakrameṇa vyutkrameṇa śītkrameṇa viśeṣataḥ / (56.1) Par.?

bhālabhātiṃ tridhā kuryāt kaphadoṣaṃ nivārayet // (56.2) Par.?

iḍayā pūrayed vāyuṃ recayet piṅgalā punaḥ / (57.1) Par.?

piṅgalayā pūrayitvā punaś candreṇa recayet // (57.2) Par.?

pūrakaṃ recakaṃ kṛtvā vegena na tu cālayet / (58.1) Par.?

evam abhyāsayogena kaphadoṣaṃ nivārayet // (58.2) Par.?

nāsābhyāṃ jalam ākṛṣya punar vaktreṇa recayet / (59.1) Par.?

pāyaṃ pāyaṃ prakurvaṃś cec chleṣmadoṣaṃ nivārayet // (59.2) Par.?

śītkṛtya pītvā vaktreṇa nāsānālair virecayet / (60.1) Par.?

evam abhyāsayogena kāmadevasamo bhavet // (60.2) Par.?

na jāyate vārddhakaṃ ca jvaro naiva prajāyate / (61.1) Par.?

bhavet svacchandadehaś ca kaphadoṣaṃ nivārayet // (61.2) Par.?

Duration=0.40645098686218 secs.