Texts

āgneyam aṣṭākapālaṃ nirvapet sāvitram aṣṭākapālaṃ vāyavyāṃ yavāgūṃ bhaumam ekakapālaṃ yasya hiraṇyam apahṛtaṃ vopahṛtaṃ vā syād yo vā kāmayeta // (1) Par.?

hiraṇyaṃ vindeyeti // (2) Par.?

agnir vā agre hiraṇyam avindat // (3) Par.?

tasmin savitā cāmantrayetām // (4) Par.?

neto vāyunānupagatam asti // (5) Par.?

asyām etad vindanti // (6) Par.?

asyāṃ punanti // (7) Par.?

yad āgneyaḥ // (8) Par.?

vittyā eva // (9) Par.?

sa jātavedā iti hi // (10) Par.?

prasavāyaiva sāvitraḥ // (11) Par.?

abhinītyai vāyavyā // (12) Par.?

asyām etad vindanti // (13) Par.?

asyāṃ punanti // (14) Par.?

etā vai devatā hiraṇyasyeśate // (15) Par.?

tā eva bhāgadheyenopadhāvati // (16) Par.?

tā asmai hiraṇyaṃ dadati // (17) Par.?

yadā hiraṇyaṃ vindetāthaitām eva nirvapet // (18) Par.?

yā evāsmai devatā hiraṇyaṃ dadati tā eva bhāginīḥ karoti // (19) Par.?

ātmano 'hiṃsāyai // (20) Par.?

āgneyam aṣṭākapālaṃ nirvaped aindram ekādaśakapālam // (21) Par.?

dadhi madhu ghṛtaṃ dhānās taṇḍulās tat saṃsṛṣṭaṃ syāt // (22) Par.?

tena paśukāmo yajeta // (23) Par.?

ṛddhyā evāgneyaḥ // (24) Par.?

yad aindraḥ // (25) Par.?

indraḥ paśūnāṃ pradātā // (26) Par.?

tam eva bhāgadheyenopadhāvati // (27) Par.?

so 'smai paśūn prayacchati // (28) Par.?

yat saṃsṛṣṭam // (29) Par.?

paśavo vai saṃsṛṣṭam // (30) Par.?

paśūn evāvarunddhe // (31) Par.?

aindraṃ kāryam // (32) Par.?

indraḥ paśūnāṃ pradātā // (33) Par.?

yad aindre dve saha kuryāj jāmi syāt // (34) Par.?

prājāpatyaṃ kāryam // (35) Par.?

prajāpatiḥ paśūnāṃ yoniḥ // (36) Par.?

svād evainān yoneḥ prajanayati // (37) Par.?

prajāpatiḥ pradātā // (38) Par.?

tam eva bhāgadheyenopadhāvati // (39) Par.?

so 'smai paśūn prayacchati // (40) Par.?

revatī saṃsṛṣṭasya yājyānuvākye // (41) Par.?

śakvarī itarasya // (42) Par.?

paśavo vai revatī // (43) Par.?

paśavaś śakvarī // (44) Par.?

paśūn evāvarunddhe // (45) Par.?

pañcaitāni saṃsṛṣṭāni // (46) Par.?

dve itare // (47) Par.?

tāni sapta // (48) Par.?

saptapadā śakvarī // (49) Par.?

śākvarāḥ paśavaḥ // (50) Par.?

paśūn evāvarunddhe // (51) Par.?

paṅktir apibhavati // (52) Par.?

pāṅktaḥ puruṣaḥ // (53) Par.?

sarva eva bhūtvā paśūn upaiti // (54) Par.?

ghṛtaṃ bhavati // (55) Par.?

āgneyaṃ vai ghṛtam // (56) Par.?

agniḥ pravāpayitā // (57) Par.?

praiva tena vāpayati // (58) Par.?

madhu bhavati // (59) Par.?

saumyaṃ vai madhu // (60) Par.?

somo retodhāḥ // (61) Par.?

reta eva tena dadhāti // (62) Par.?

dhānāś ca taṇḍulāś ca bhavanti // (63) Par.?

ahno vai rūpaṃ dhānāḥ // (64) Par.?

rātryās taṇḍulāḥ // (65) Par.?

ahorātre paśavo 'nuprajāyante // (66) Par.?

naktaṃ vā hi divā vā prajāyante // (67) Par.?

ahorātre evainān anuprajanayati // (68) Par.?

dadhi bhavati // (69) Par.?

etadrūpā vai paśavaḥ // (70) Par.?

yad dadhi // (71) Par.?

sarūpān eva paśūn avarunddhe // (72) Par.?

na madhu hotavyam // (73) Par.?

āyur vai madhu // (74) Par.?

āyur agnau pradadhyāt // (75) Par.?

pramāyukas syāt // (76) Par.?

etayeṣṭvāyuṣyayā yajeta // (77) Par.?

paśūn evāvarudhyāyur upaiti // (78) Par.?

yady etayā na yajeta varaṃ dadyāt // (79) Par.?

vareṇaiva varaṃ spṛṇoti // (80) Par.?

dvau dadyāt // (81) Par.?

dvau hi prāṇaś cāpānaś ca // (82) Par.?

trīn dadyāt // (83) Par.?

trayo hi prāṇāḥ prāṇo vyāno 'pānaḥ // (84) Par.?

tān eva yajamāne dadhāti // (85) Par.?

ekam eva dadyāt // (86) Par.?

trivṛtaṃ tu // (87) Par.?

trivṛddhi prāṇaḥ // (88) Par.?

bahu vā etat // (89) Par.?

anyadanyaj juhoti // (90) Par.?

sa īśvaro 'nyadrūpaṃ poṣṭoḥ // (91) Par.?

sidhmāṃ gāṃ dadyāt // (92) Par.?

rūpāṇāṃ niṣkrītyai // (93) Par.?

sarvāṇi vayāṃsi dadyāt // (94) Par.?

sarvān eva paśūn avarunddhe // (95) Par.?

yadi nābhyāśaṃseta paṣṭhauhīm antarvatīṃ dadyāt // (96) Par.?

sā hi sarvāṇi vayāṃsi // (97) Par.?

yad vatsaṃ bibharti tena vatsā // (98) Par.?

yad vatsatarī tena vayaḥ // (99) Par.?

yat paraṃ vaya āptā tena sthavirā // (100) Par.?

tayaiva sarvān paśūn avarunddhe // (101) Par.?

āpo vā idaṃ niramṛjan // (102) Par.?

sa manur evodaśiṣyata // (103) Par.?

sa etām iṣṭim apaśyat // (104) Par.?

tām āharat // (105) Par.?

tayāyajata // (106) Par.?

tayāprathata // (107) Par.?

tayemaṃ bhūmānam agacchat // (108) Par.?

prathata eva taṃ bhūmānaṃ gacchati yaṃ manur agacchad ya evaṃ vidvān etayā yajate // (109) Par.?