Texts

Help

Select a text:
Bibliography
Select a chapter:
 (no revisions)
Associated topic(s): vājapeya

Show parallels  Show headlines
Use dependency labeler
Chapter id: 14972
  • Click on a sentence to show its analysis
  • Keep the mouse pointer over a lemma to show its meanings.
devā vai nānaiva yajñān apaśyan // (1) Par.?
imam aham // (2) Par.?
imaṃ tvam iti // (3) Par.?
athaitaṃ sarve 'paśyan // (4) Par.?
tasminn āyatanta // (5) Par.?
tasminn ājim ayuḥ // (6) Par.?
taṃ bṛhaspatir udajayat // (7) Par.?
bṛhaspatir vai devānāṃ purohitaḥ // (8) Par.?
yad vai purohito brahma śṛṇoti tad rājñe // (9) Par.?
tenendram ayājayat // (10) Par.?
sa svārājyam agacchat // (11) Par.?
sa eṣa svārājyo yajñaḥ // (12) Par.?
svārājyaṃ gacchati ya etena yajate // (13) Par.?
yad bṛhaspatir udajayat // (14) Par.?
tasmād brāhmaṇo yajeta // (15) Par.?
yad indram ayājayat // (16) Par.?
tasmād rājanyaḥ // (17) Par.?
devā vai nānaiva yajñān āharan // (18) Par.?
athaitaṃ prajāpatir āharat // (19) Par.?
tasmin devā apitvam aicchanta // (20) Par.?
tebhyaś chandāṃsy ujjitīḥ prāyacchat // (21) Par.?
athaitena prajāpatir ayajata // (22) Par.?
sa svārājyam agacchat // (23) Par.?
sa eṣa svārājyo yajñaḥ // (24) Par.?
svārājyaṃ gacchati ya etena yajate // (25) Par.?
annaṃ vai vājaḥ // (26) Par.?
ya evaṃ vidvān annam atti vājayaty evam // (27) Par.?
somo vājapeyaḥ // (28) Par.?
ya evaṃ vidvān somaṃ pibati vājam eva gacchati // (29) Par.?
yāvanto hi devās somam apibaṃs te vājam agacchan // (30) Par.?
tasmāt sarva eva somaṃ pipāsati // (31) Par.?
vāg vai vājasya prasavaḥ // (32) Par.?
sā vāk sṛṣṭā caturdhā vyabhavat // (33) Par.?
eṣu lokeṣu trīṇi turīyāṇi // (34) Par.?
paśuṣu turīyam // (35) Par.?
yā divi sā bṛhati sā stanayitnau // (36) Par.?
yāntarikṣe sā vāte sā vāmadevye // (37) Par.?
yā pṛthivyāṃ sāgnau sā rathantare // (38) Par.?
yā paśuṣu tasyā yad atyaricyata tāṃ brāhmaṇe nyadadhuḥ // (39) Par.?
tasmād brāhmaṇa ubhe vācau vadati daivīṃ ca mānuṣīṃ ca // (40) Par.?
karoti vācā vīryaṃ ya evaṃ veda // (41) Par.?
yā bṛhadrathantarayos tayainaṃ yajña āgacchati // (42) Par.?
yā paśuṣu tayarteyajñam // (43) Par.?
ā ha vā enam apratikhyātād gacchati ya evaṃ veda // (44) Par.?
yāvatī hi vāk tāṃ veda // (45) Par.?
vācā hi dīyate // (46) Par.?
vācā pradīyate // (47) Par.?
yo gāthānārāśaṃsībhyāṃ sanoti tasya na pratigṛhyam // (48) Par.?
anṛtena hi sa sanoti // (49) Par.?
anṛtaṃ hi gāthānṛtaṃ nārāśaṃsī // (50) Par.?
mattasya na pratigṛhyam // (51) Par.?
anṛtaṃ hi mattaḥ // (52) Par.?
yadā hi so 'matto bhavaty atha taṃ tat tupati // (53) Par.?
Duration=0.13033509254456 secs.