Texts

tatra hṛdi ityātmaparyāyaḥ // (1) Par.?

kasmāt // (2) Par.?

pūrvottarasāmarthyāt // (3) Par.?

yo 'rtho yatra milati sa tatra sthāpayitavyaḥ sa evārtho dhārayitavyaḥ // (4) Par.?

kiṃca vedaprāmāṇyāduktam / (5.1) Par.?

aṅgādaṅgāt sambhavasi hṛdayād adhijāyase / (5.2) Par.?

ātmā vai putranāmāsi sa jīva śaradaḥ śatam // (5.3) Par.?

anyatrāpi ātmā vijāyate putra ātmā vai ātmanaḥ pitā / (6.1) Par.?

ātmaprajo bhaviṣyāmi paramaṃ hṛdayaṃ hi saḥ // (6.2) Par.?

ato hṛdayamātmetyuktam // (7) Par.?

prakurute bhāvaṃ buddhiradhyavasāyitām // (8) Par.?

hṛdayaṃ priyāpriye vetti trividhā karaṇasthitiḥ // (9) Par.?

tathā loke'pi santi vaktāro hṛdayaṃ te jñāsyati // (10) Par.?

kimuktaṃ bhavati // (11) Par.?

ātmā te jñāsyatīti // (12) Par.?

ato'vagamyate hṛdītyātmaparyāyaḥ // (13) Par.?

hṛdīti aupaśleṣikaṃ saṃnidhānam // (14) Par.?

atra tu oṃkāro dhāryo nātmā kiṃtu ya evātmanyātmabhāvaḥ // (15) Par.?

tasyoṃkārāt pracyutasya viṣayebhyo vṛttivikāramātreṇa gatasya pratyānayanaṃ pratyāhāraḥ // (16) Par.?

pratyāhṛtya hṛdi dhāraṇā kartavyā // (17) Par.?

dhāryaṃ coṃkārānucintanam // (18) Par.?

tatraiva sudīrghakālam avasthānamadhyayanam // (19) Par.?

taddhāraṇāhitaṃ paraṃ dhyānam // (20) Par.?

niṣṭhāyogastu sthāpayitveti vakṣyāmaḥ // (21) Par.?

kurvīta iti // (22) Par.?

ḍukṛñ karaṇe // (23) Par.?

tasya saptamyante kurvīteti bhavati // (24) Par.?

hṛdi dhāraṇā kartavyā // (25) Par.?

īta ityājñāyāṃ niyoge ca // (26) Par.?

pādajānukaṭināsikādisthāneṣu dhāraṇākartavyatāpratiṣedhārtho niyogaḥ // (27) Par.?

hṛdi dhāryā nānyatretyarthaḥ // (28) Par.?

āha oṃkāraḥ kiṃ parapa viṣṇurumā kumāraśca catasro 'rdhamātrā vā // (29) Par.?

uta samānapuruṣa iti // (30) Par.?

ucyate na // (31) Par.?

yasmādāha // (32) Par.?