Texts
Select a text:
Bibliography
Bibliography
Select a chapter:
2 revisions
Show parallels Show headlines
Use dependency labeler
2 revisions
Associated topic(s): Sacrifice, yajña
Show parallels Show headlines
Use dependency labeler
Chapter id: 10849
- Click on a sentence to show its analysis
- Keep the mouse pointer over a lemma to show its meanings.
yas tejo brahmavarcasam icchet prayājāhutibhiḥ prāṅ sa iyāt / (1.1) Par.?
tejo vai brahmavarcasam prācī dik // (1.2) Par.?
tejasvī brahmavarcasī bhavati ya evaṃ vidvān prāṅ eti // (2) Par.?
yo 'nnādyam icchet prayājāhutibhir dakṣiṇā sa iyāt / (3.1) Par.?
annādo vā eṣo 'nnapatir yad agniḥ // (3.2) Par.?
annādo 'nnapatir bhavaty aśnute prajayānnādyaṃ ya evaṃ vidvān dakṣiṇaiti // (4) Par.?
yaḥ paśūn icchet prayājāhutibhiḥ pratyaṅ sa iyāt / (5.1) Par.?
paśavo vā ete yad āpaḥ // (5.2) Par.?
paśumān bhavati ya evaṃ vidvān pratyaṅṅ eti // (6) Par.?
yaḥ somapītham icchet prayājāhutibhir udaṅ sa iyāt / (7.1) Par.?
uttarā ha vai somo rājā // (7.2) Par.?
pra somapītham āpnoti ya evaṃ vidvān udaṅṅ eti // (8) Par.?
svargyaivordhvā dik sarvāsu dikṣu rādhnoti // (9) Par.?
samyañco vā ime lokāḥ samyañco 'smā ime lokāḥ śriyai dīdyati ya evaṃ veda // (10) Par.?
pathyāṃ yajati yat pathyāṃ yajati vācam eva tad yajñamukhe saṃbharati // (11) Par.?
prāṇāpānāv agnīṣomau prasavāya savitā pratiṣṭhityā aditiḥ // (12) Par.?
pathyām eva yajati / (13.1) Par.?
yat pathyām eva yajati vācaiva tad yajñam panthām apinayati // (13.2) Par.?
cakṣuṣī evāgnīṣomau / (14.1) Par.?
prasavāya savitā / (14.2) Par.?
pratiṣṭhityā aditiḥ // (14.3) Par.?
cakṣuṣā vai devā yajñam prājānan / (15.1) Par.?
cakṣuṣā vā etat prajñāyate yad aprajñeyam / (15.2) Par.?
tasmād api mugdhaś caritvā yadaivānuṣṭhyā cakṣuṣā prajānāty atha prajānāti // (15.3) Par.?
yad vai tad devā yajñam prājānann asyāṃ vāva tat prājānann asyāṃ samabharan / (16.1) Par.?
asyai vai yajñas tāyate 'syai kriyate 'syai saṃbhriyate / (16.2) Par.?
iyaṃ hy aditiḥ / (16.3) Par.?
tad uttamām aditiṃ yajati / (16.4) Par.?
yad uttamām aditiṃ yajati yajñasya prajñātyai svargasya lokasyānukhyātyai // (16.5) Par.?
Duration=0.083138942718506 secs.