Texts

aparāhṇe dīkṣeta / (1.1) Par.?

purā keśaśmaśrorvapanādyatkāmayeta tadaśnīyādyadvā saṃpadyeta / (1.2) Par.?

vrataṃ hyevāsyāto 'śanam bhavati / (1.3) Par.?

yady u nāśiśiṣed api kāmaṃ nāśnīyāt // (1.4) Par.?

athottareṇa śālām pariśrayanti / (2.1) Par.?

tad udakumbham upanidadhāti / (2.2) Par.?

tannāpita upatiṣṭhate / (2.3) Par.?

tat keśaśmaśru ca vapate nakhāni ca nikṛntate / (2.4) Par.?

asti vai puruṣasyāmedhyaṃ yatrāsyāpo nopatiṣṭhante / (2.5) Par.?

keśaśmaśrau ca vā asya nakheṣu cāpo nopatiṣṭhante / (2.6) Par.?

tad yat keśaśmaśru ca vapate nakhāni ca nikṛntate medhyo bhūtvā dīkṣā iti // (2.7) Par.?

taddhaike sarva eva vapante sarva eva medhyā bhūtvā dīkṣiṣyāmaha iti / (3.1) Par.?

tad u tathā na kuryāt / (3.2) Par.?

yadvai keśaśmaśru ca vapate nakhāni ca nikṛntate tadeva medhyo bhavati / (3.3) Par.?

tasmād u keśaśmaśru caiva vapeta nakhāni ca nikṛnteta // (3.4) Par.?

sa vai nakhānyevāgre nikṛntate dakṣiṇasyaivāgre / (4.1) Par.?

savyasya vā agre mānuṣe 'thaivaṃ devatrā / (4.2) Par.?

aṅguṣṭhayor evāgre / (4.3) Par.?

kaniṣṭhikayorvā agre mānuṣe 'thaivaṃ devatrā // (4.4) Par.?

sa dakṣiṇamevāgre godānaṃ vitārayati / (5.1) Par.?

savyaṃ vā agre mānuṣe 'thaivaṃ devatrā // (5.2) Par.?

sa dakṣiṇamevāgre godānam abhyunattīmā āpaḥ śam u me santu devīriti / (6.1) Par.?

sa yadāhemā āpaḥ śam u me santu devīriti vajro vā āpaḥ / (6.2) Par.?

vajro hi vā āpaḥ / (6.3) Par.?

tasmādyenaitā yanti nimnaṃ kurvanti / (6.4) Par.?

yatropatiṣṭhante nirdahanti tat / (6.5) Par.?

tad etam evaitad vajraṃ śamayati / (6.6) Par.?

tatho hainameṣa vajraḥ śānto na hinasti / (6.7) Par.?

tasmād āhemā āpaḥ śam u me santu devīriti // (6.8) Par.?

atha darbhataruṇakam antardadhāty oṣadhe trāyasveti / (7.1) Par.?

vajro vai kṣuraḥ / (7.2) Par.?

tatho hainameṣa vajraḥ kṣuro na hinasti / (7.3) Par.?

atha kṣureṇābhinidadhāti svadhite mainaṃ hiṃsīriti / (7.4) Par.?

vajro vai kṣuraḥ / (7.5) Par.?

tatho hainameṣa vajraḥ kṣuro na hinasti // (7.6) Par.?

pracchidyodapātre prāsyati / (8.1) Par.?

tūṣṇīmevottaraṃ godānam abhyunatti / (8.2) Par.?

tūṣṇīṃ darbhataruṇakam antardadhāti / (8.3) Par.?

tūṣṇīṃ kṣureṇābhinidhāya pracchidyodapātre prāsyati // (8.4) Par.?

atha nāpitāya kṣuram prayacchati / (9.1) Par.?

sa keśaśmaśru vapati sa yadā keśaśmaśru vapati // (9.2) Par.?

atha snāti / (10.1) Par.?

amedhyo vai puruṣaḥ / (10.2) Par.?

yadanṛtaṃ vadati tena pūtir antarataḥ / (10.3) Par.?

medhyā vā āpaḥ / (10.4) Par.?

medhyo bhūtvā dīkṣā iti / (10.5) Par.?

pavitraṃ vā āpaḥ / (10.6) Par.?

pavitrapūto dīkṣā iti / (10.7) Par.?

tasmādvai snāti // (10.8) Par.?

sa snāty āpo asmānmātaraḥ śundhayantviti / (11.1) Par.?

ghṛtena no ghṛtapvaḥ punantviti / (11.2) Par.?

tadvai supūtaṃ yaṃ ghṛtenāpunan / (11.3) Par.?

tasmādāha ghṛtena no ghṛtapvaḥ punantviti / (11.4) Par.?

viśvaṃ hi ripram pravahanti devīriti / (11.5) Par.?

yad vai viśvaṃ sarvaṃ tad yad amedhyaṃ ripram / (11.6) Par.?

tat sarvaṃ hyasmād amedhyam pravahanti / (11.7) Par.?

tasmād āha viśvaṃ hi ripram pravahanti devīriti // (11.8) Par.?

atha prāṅṅ ivodaṅṅ utkrāmaty ud id ābhyaḥ śucir ā pūta emīti / (12.1) Par.?

uddhyābhyaḥ śuciḥ pūta eti // (12.2) Par.?

atha vāsaḥ paridhatte sarvatvāyaiva / (13.1) Par.?

svām evāsminnetat tvacaṃ dadhāti / (13.2) Par.?

yā ha vā iyaṃ gostvakpuruṣe haiṣāgra āsa // (13.3) Par.?

te devā abruvan gaurvā idaṃ sarvaṃ bibharti / (14.1) Par.?

hanta yeyam puruṣe tvag gavy etāṃ dadhāma / (14.2) Par.?

tayaiṣā varṣantaṃ tayā himaṃ tayā ghṛṇiṃ titikṣiṣyata iti // (14.3) Par.?

te 'vacchāya puruṣam gavyetāṃ tvacamadadhuḥ / (15.1) Par.?

tayaiṣā varṣantaṃ tayā himaṃ tayā ghṛṇiṃ titikṣate // (15.2) Par.?

avacchito hi vai puruṣaḥ / (16.1) Par.?

tasmādasya yatraiva kva ca kuśo vā yadvā vikṛntati tata eva lohitamutpatati / (16.2) Par.?

tasminnetāṃ tvacamadadhurvāsa eva / (16.3) Par.?

tasmānnānyaḥ puruṣādvāso bibharti / (16.4) Par.?

etāṃ hyasmiṃstvacam adadhuḥ / (16.5) Par.?

tasmād u suvāsā eva bubhūṣetsvayā tvacā samṛddhyā iti / (16.6) Par.?

tasmādapyaślīlaṃ suvāsasaṃ didṛkṣante / (16.7) Par.?

svayā hi tvacā samṛddho bhavati // (16.8) Par.?

no hānte gornagnaḥ syāt / (17.1) Par.?

veda ha gaur ahamasya tvacam bibharmīti / (17.2) Par.?

sā bibhyatī trasati tvacam ma ādāsyata iti / (17.3) Par.?

tasmād u gāvaḥ suvāsasam upaiva niśrayante // (17.4) Par.?

tasya vā etasya vāsaso 'gneḥ paryāso bhavati vāyoranuchādo nīviḥ pitṝṇāṃ sarpāṇām praghāto viśveṣāṃ devānāṃ tantava ārokā nakṣatrāṇām / (18.1) Par.?

evaṃ hi vā etatsarve devā anvāyattāḥ / (18.2) Par.?

tasmād dīkṣitavasanam bhavati // (18.3) Par.?

tadvā ahataṃ syād ayātayāmatāyai / (19.1) Par.?

tadvai niṣpeṣṭavai brūyād yad evāsyātrāmedhyā kṛṇatti vā vayati vā tadasya medhyamasaditi / (19.2) Par.?

yady u ahataṃ syād adbhir abhyukṣen medhyam asad iti / (19.3) Par.?

atho yadidaṃ snātavasyaṃ nihitam apalpūlanakṛtaṃ bhavati teno hāpi dīkṣeta // (19.4) Par.?

tatparidhatte dīkṣātapasos tanūrasīti / (20.1) Par.?

adīkṣitasya vā asyaiṣāgre tanūr bhavaty athātra dīkṣātapasoḥ / (20.2) Par.?

tasmādāha dīkṣātapasostanūrasīti / (20.3) Par.?

tāṃ tvā śivāṃ śagmām paridadha iti / (20.4) Par.?

tāṃ tvā śivāṃ sādhvīm paridadha ityevaitadāha / (20.5) Par.?

bhadraṃ varṇam puṣyanniti / (20.6) Par.?

pāpaṃ vā eṣo 'gre varṇam puṣyati yam amum adīkṣitaḥ / (20.7) Par.?

athātra bhadraṃ / (20.8) Par.?

tasmādāha bhadraṃ varṇaṃ puṣyanniti // (20.9) Par.?

athainaṃ śālām prapādayati / (21.1) Par.?

sa dhenvai cānaḍuhaśca nāśnīyāt / (21.2) Par.?

dhenvanaḍuhau vā idaṃ sarvam bibhṛtaḥ / (21.3) Par.?

te devā abruvan dhenvanaḍuhau vā idaṃ sarvam bibhṛtaḥ / (21.4) Par.?

hanta yad anyeṣāṃ vayasāṃ vīryaṃ taddhenvanaḍuhayor dadhāmeti / (21.5) Par.?

sa yad anyeṣāṃ vayasāṃ vīryam āsīt tad dhenvanaḍuhayor adadhuḥ / (21.6) Par.?

tasmāddhenuścaivānaḍvāṃśca bhūyiṣṭham bhuṅktaḥ / (21.7) Par.?

taddhaitat sarvāśyam iva yo dhenvanaḍuhayor aśnīyād antagatir iva / (21.8) Par.?

taṃ hādbhutam abhijanitor jāyāyai garbhaṃ niravadhīd iti pāpam akad iti pāpī kīrtiḥ / (21.9) Par.?

tasmād dhenvanaḍuhayor nāśnīyāt / (21.10) Par.?

tad u hovāca yājñavalkyo 'śnāmyevāham aṃsalaṃ ced bhavatīti // (21.11) Par.?