Texts

svarasāmāna ete bhavanti // (1) Par.?

svarbhānur vā āsura ādityaṃ tamasāvidhyat taṃ devāḥ svarair aspṛṇvan yat svarasāmāno bhavanty ādityasya spṛtyai // (2) Par.?

parair vai devā ādityaṃ svargaṃ lokam apārayan yad apārayaṃstat parāṇāṃ paratvaṃ // (3) Par.?

pārayanty enaṃ parāṇi ya evaṃ veda // (4) Par.?

saptadaśā bhavanti // (5) Par.?

prajāpatir vai saptadaśaḥ prajāpatim evopayanti // (6) Par.?

anuṣṭupchandaso bhavanty ānuṣṭubho vai prajāpatiḥ sākṣād eva prajāpatim ārabhante // (7) Par.?

trayaḥ purastāt trayaḥ parastād bhavanti // (8) Par.?

devā vā ādityasya svargāllokād avapādād abibhayus tam etaiḥ stomaiḥ saptadaśair adṛṃhan yad ete stomā bhavanty ādityasya dhṛtyai // (9) Par.?

catustriṃśā bhavanti varṣma vai catustriṃśo varṣmaṇaivainaṃ saṃmimate // (10) Par.?

tasya parācīnātipādād abibhayus taṃ sarvaiḥ stomaiḥ paryārṣan viśvajidabhijidbhyāṃ vīryaṃ vā etau stomau vīryeṇaiva tad ādityaṃ paryṛṣanti dhṛtyai // (11) Par.?

anavapādāyānatipādāya // (12) Par.?

tad āhuḥ kartapraskanda iva vā eṣa yat trayastriṃśataḥ saptadaśam upayantīti pṛṣṭhyo 'ntaraḥ kāryaḥ // (13) Par.?

tasya yat saptadaśam ahas tad uttamaṃ kāryaṃ salomatvāya // (14) Par.?

tad āhur udaraṃ vā eṣa stomānāṃ yat saptadaśo yat saptadaśaṃ madhyato nirhareyur aśanāyavaḥ prajāḥ syur aśanāyavaḥ sattriṇaḥ // (15) Par.?

trayastriṃśād eva saptadaśa upetyo varṣma vai trayastriṃśo varṣma saptadaśo varṣmaṇa eva tad varṣmābhisaṃkrāmanti // (16) Par.?

tānāhur ukthāḥ kāryā3 agniṣṭomā3 iti yady ukthāḥ syuḥ // (17) Par.?

paśavo vā ukthāni śāntiḥ paśavaḥ śāntenaiva tad viṣuvantam upayanti // (18) Par.?

tad āhur vivīvadham iva vā etad yad agniṣṭomo viṣuvān agniṣṭomau viśvajidabhijitāvathetara ukthāḥ syur iti // (19) Par.?

agniṣṭomā eva sarve kāryāḥ // (20) Par.?

vīryaṃ vā agniṣṭomo vīrya eva madhyataḥ pratitiṣṭhanti nava saṃstutā bhavanti nava prāṇāḥ prāṇeṣveva pratitiṣṭhanti // (21) Par.?