Texts

Help

Select a text:
Bibliography
Select a chapter:
 (no revisions)
Associated topic(s): anvaṣṭakya, aṣṭakā

Show parallels  Show headlines
Use dependency labeler
Chapter id: 13727
  • Click on a sentence to show its analysis
  • Keep the mouse pointer over a lemma to show its meanings.
ūrdhvam āgrahāyaṇyās tisro 'ṣṭamīṣvaṣṭakāsvaparapakṣeṣu // (1.1) Par.?
tāsāṃ prathamāyāṃ śākaṃ juhoti / (2.1) Par.?
iyameva sā yā prathamā vyaucchad antarasyāṃ carati praviṣṭā / (2.2) Par.?
vadhūrjajāna navakaṃ janitrī traya enāṃ mahimānaḥ sacantāṃ svāhā / (2.3) Par.?
iti // (2.4) Par.?
atha sviṣṭakṛtaḥ / (3.1) Par.?
yasyāṃ vaivasvato yamaḥ sarve devāḥ samāhitāḥ / (3.2) Par.?
aṣṭakā sarvatomukhī sā me kāmānatītṛpat / (3.3) Par.?
āhuste grāvāṇo dantānūdhaḥ pavamānaḥ / (3.4) Par.?
ardhamāsāṃśca māsāṃścāṅgāni namaste sumanāmukhi svāhā / (3.5) Par.?
iti // (3.6) Par.?
madhyamāyāṃ māghyā varṣe ca mahāvyāhṛtayaścatasro juhoti ye tātṛṣuḥ iti catasro 'nudrutya vapāṃ juhuyāt / (4.1) Par.?
vaha vapāṃ jātavedaḥ pitṛbhyo yatrainān vettha sukṛtasya loke / (4.2) Par.?
medasaḥ kulyā upasrutāḥ sravanti satyāḥ santu yajamānasya kāmāḥ svāhā / (4.3) Par.?
iti / (4.4) Par.?
mahāvyāhṛtibhiścatasṛbhiḥ ye tātṛṣuḥ iti catasṛbhir aṣṭāvāhutīḥ sthālīpāko'vadānamiśraḥ // (4.5) Par.?
antarhitā girayo 'ntarhitā pṛthivī mahī me / (5.1) Par.?
divā digbhyaśca sarvābhir anyamantardadhe pitṛbhyo'muṣmai svāhā / (5.2) Par.?
antarhitā ṛtavo 'horātrā susandhikāḥ / (5.3) Par.?
ardhamāsāśca māsāścāṅgāni namaste sumanāmukhi svāhā / (5.4) Par.?
yāstiṣṭhanti yāḥ sravanti yā adbhiḥ paritasthuṣīḥ / (5.5) Par.?
adbhiḥ sarvasya bhartṛbhiranyataḥ piturdadhe'muṣmai svāhā / (5.6) Par.?
yanme mātā pralulobha caraty apativratā / (5.7) Par.?
retastatpitā vṛṅktāmāhuranyo'vapadyatāmamuṣmai svāhā / (5.8) Par.?
iti mahāvyāhṛtīnāṃ vā sthāne catasro'nyatrakaraṇasya // (5.9) Par.?
uttamāyām apūpān juhoti / (6.1) Par.?
ukthyaścātirātraśca sadyaskrīś chandasā saha / (6.2) Par.?
anye ca kratavo devā ṛṣayaḥ pitarastathā / (6.3) Par.?
ṛtavaḥ sarvabhūtāni śivāḥ śāntāśca me sadā / (6.4) Par.?
santu me 'pūpakṛtām aṣṭake namaste sumanāmukhi svāhā / (6.5) Par.?
iti samānaṃ sviṣṭakṛt // (6.6) Par.?
śvo 'nvaṣṭakyāṃ piṇḍapitṛyajñāvṛtā gopaśur ajasthālīpāko vā gogrāsamāharedapi vā kakṣam u dahed eṣā me'ṣṭakā iti // (7.1) Par.?
na tveva na kurvīta na tveva na kurvīta // (8.1) Par.?
Duration=0.19176197052002 secs.