Texts

Help

Select a text:
Bibliography

Select a chapter:
(no revisions)

Associated topic(s): alms, bhikṣā, brahmacarya, upanayana, initiation

Show parallels Show headlines
Use dependency labeler

Chapter id: 13772

Click on a sentence to show its analysis
Keep the mouse pointer over a lemma to show its meanings.

bhaikṣa

atra bhikṣācaryacaraṇam // (1) Par.?

bhavatpūrvāṃ brāhmaṇo bhikṣeta // (2) Par.?

bhavanmadhyāṃ rājanyaḥ // (3) Par.?

bhavadantyāṃ vaiśyaḥ // (4) Par.?

tisro 'pratyākhyāyinyaḥ // (5) Par.?

ṣaḍdvādaśāparimitā vā // (6) Par.?

mātaraṃ prathamāmeke // (7) Par.?

ācāryāya bhaikṣaṃ nivedayitvā vāgyato 'haḥśeṣaṃ tiṣṭhedityeke // (8) Par.?

ahiṃsann araṇyāt samidha āhṛtya tasminn agnau pūrvavad ādhāya vācaṃ visṛjate // (9) Par.?

adhaḥśāyy akṣārālavaṇāśī syāt // (10) Par.?

daṇḍadhāraṇamagniparicaraṇaṃ guruśuśrūṣā bhikṣācaryā // (11) Par.?

madhumāṃsamajjanoparyāsanastrīgamanānṛtādattādānāni varjayet // (12) Par.?

vedabrahmacarya

aṣṭācatvāriṃśadvarṣāṇi vedabrahmacaryaṃ caret // (13) Par.?

dvādaśa dvādaśa vā prativedam // (14) Par.?

yāvadgrahaṇaṃ vā // (15) Par.?

vāsāṃsi śāṇakṣaumāvikāni // (16) Par.?

aiṇeyam ajinam uttarīyaṃ brāhmaṇasya // (17) Par.?

rauravaṃ rājanyasya // (18) Par.?

ājaṃ gavyaṃ vā vaiśyasya // (19) Par.?

sarveṣāṃ vā gavyam asati pradhānatvāt // (20) Par.?

raśanā, girdle

mauñjī raśanā brāhmaṇasya // (21) Par.?

dhanurjyā rājanyasya // (22) Par.?

maurvī vaiśyasya // (23) Par.?

muñjābhāve kuśāśmantakabalvajānām // (24) Par.?

daṇḍa

pālāśo brāhmaṇasya daṇḍaḥ // (25) Par.?

bailvo rājanyasya // (26) Par.?

audumbaro vaiśyasya keśasaṃmito brāhmaṇasya lalāṭasaṃmitaḥ kṣatriyasya ghrāṇasaṃmito vaiśyasya sarve vā sarveṣām // (27) Par.?

behaviour of a brahmacārin

ācāryeṇāhūta utthāya pratiśṛṇuyāt // (28) Par.?

śayānaṃ cedāsīna āsīnaṃ cettiṣṭhaṃstiṣṭhantaṃ cedabhikrāmann abhikrāmantaṃ cedabhidhāvan // (29) Par.?

sa evaṃ vartamāno 'mutrādya vasatyamutrādya vasatīti tasya snātakasya kīrtirbhavati // (30) Par.?

trayaḥ snātakā bhavanti vidyāsnātako vratasnātako vidyāvratasnātaka iti // (31) Par.?

samāpya vedam asamāpya vrataṃ yaḥ samāvartate sa vidyāsnātakaḥ // (32) Par.?

samāpya vratam asamāpya vedaṃ yaḥ samāvartate sa vratasnātakaḥ // (33) Par.?

ubhayaṃ samāpya yaḥ samāvartate sa vidyāvratasnātaka iti // (34) Par.?

ā ṣoḍaśādvarṣādbrāhmaṇasya nātītaḥ kālo bhavati // (35) Par.?

ā dvāviṃśādrājanyasya // (36) Par.?

ā caturviṃśādvaiśyasya // (37) Par.?

ata ūrdhvaṃ patitasāvitrīkā bhavanti // (38) Par.?

nainān upanayeyur nādhyāpayeyur na yājayeyur na caibhir vyavahareyuḥ // (39) Par.?

kālātikrame niyatavat // (40) Par.?

tripuruṣaṃ patitasāvitrīkāṇām apatye saṃskāro nādhyāpanaṃ ca // (41) Par.?

teṣāṃ saṃskārepsur vrātyastomeneṣṭvā kāmam adhīyīran vyavahāryā bhavantīti vacanāt // (42) Par.?

Duration=0.10254502296448 secs.