Texts

āhavanīyaṃ gatvāyaṃ sahohā iti trir udgātā gāyet // (1) Par.?

nidhanam itarāvanūpeyātām // (2) Par.?

abhidakṣiṇam āvṛtya pūrvayā dvārā sadaḥ praviśeyuḥ // (3) Par.?

yadādhvaryur upākuryāt tadā mānasena stuvīran // (4) Par.?

āyaṃ gauḥ pṛśnir akramīditi gāyatreṇa // (5) Par.?

pṛthak stotrīyābhyo hiṃkāram // (6) Par.?

trikeṇa stomenāstomayogāyajamānavācanākuśāvidhānena // (7) Par.?

pratihāravelāyāṃ pratihartāpānyāt // (8) Par.?

uttamāṃ prastutyaiṣeti hotāram īkṣeta // (9) Par.?

sarvametasmin stotre manasā kuryuḥ samīkṣaṇena vijñāpayantaḥ // (10) Par.?

yam adhvaryur bhakṣaṃ prayacchan manyeta tasya manasopahūya kastvā kaṃ bhakṣayāmīti bhakṣayeyuḥ // (11) Par.?

brahmodyaṃ vadantīti // (12) Par.?

gāyatrīṃ trir brūyur iti dhānaṃjayyaḥ // (13) Par.?

caturhotāram abhipretyaitad iti gautamaḥ // (14) Par.?

tarke vā kathayeyur yathāśvatrirātra iti śāṇḍilyaḥ // (15) Par.?

prajāpatiṃ parivadanti // (16) Par.?

pāpaiḥ karmabhir ity eke na tvadhīmahe // (17) Par.?

api vādhvaryubahvṛcānāṃ kiṃcit syāt // (18) Par.?

etasyāṃ velāyāṃ varān vṛṇīran manasā yāniccheyuḥ // (19) Par.?

abhayaṃ dhānaṃjayyaḥ sarvakāmān aparādhāt // (20) Par.?

uttarata udgātaudumbarīṃ gṛhṇīyāt paścāt pratihartā dakṣiṇato brahmā purastāditare sarve // (21) Par.?

atha japeyur iha dhṛtir iha svadhṛtir iha rantir iha ramadhvaṃ mayi dhṛtirmayi svadhṛtirmayi ramo mayi ramadhvamiti vobhau vā // (22) Par.?

vāgyatā apidhāya dvāre āsīrann ā nakṣatrapravacanāt // (23) Par.?

prokte nakṣatre pūrvayā dvāropaniṣkramya subrahmaṇyāpraṇavair vācaṃ visṛjeranniti dhānaṃjayyaḥ // (24) Par.?

śrutvaivāhūyamānāyā iti śāṇḍilyaḥ // (25) Par.?

varavaraṇavāgyamane yajamāna eva kuryād ahīneṣu // (26) Par.?

kṛtvetare yathārthaṃ kṛtvetare yathārtham // (27) Par.?