Texts

avikhyāpitadoṣāṇāṃ pāpānāṃ mahatāṃ tathā / (1.1) Par.?

sarveṣāṃ copapāpānāṃ śuddhiṃ vakṣyāmy aśeṣataḥ // (1.2) Par.?

āhitāgner vinītasya vṛddhasya viduṣo 'pi vā / (2.1) Par.?

rahasyoktaṃ prāyaścittaṃ pūrvoktam itare janāḥ // (2.2) Par.?

prāṇāyāmaiḥ pavitraiś ca dānair homair japais tathā / (3.1) Par.?

nityayuktāḥ pramucyante pātakebhyo na saṃśayaḥ // (3.2) Par.?

prāṇāyāmān pavitrāṇi vyāhṛtīḥ praṇavaṃ tathā / (4.1) Par.?

pavitrapāṇir āsīno brahma naityakam abhyaset // (4.2) Par.?

āvartayan sadā yuktaḥ prāṇāyāmān punaḥ punaḥ / (5.1) Par.?

ā lomāgrān nakhāgrācca tapas tapyatu uttamam // (5.2) Par.?

nirodhāj jāyate vāyur vāyor agnir hi jāyate / (6.1) Par.?

tāpenāpo 'tha jāyante tato 'ntaḥ śudhyate tribhiḥ // (6.2) Par.?

na tāṃ tīvreṇa tapasā na svādhyāyair na cejyayā / (7.1) Par.?

gatiṃ gantuṃ dvijāḥ śaktā yogāt samprāpnuvanti yām // (7.2) Par.?

yogāt samprāpyate jñānaṃ yogo dharmasya lakṣaṇam / (8.1) Par.?

yogaḥ paraṃ tapo nityaṃ tasmād yuktaḥ sadā bhavet // (8.2) Par.?

praṇave nityayuktaḥ syād vyāhṛtīṣu ca saptasu / (9.1) Par.?

tripadāyāṃ ca gāyatryāṃ na bhayaṃ vidyate kvacit // (9.2) Par.?

praṇavādyās tathā vedāḥ praṇave paryavasthitāḥ / (10.1) Par.?

vāṅmayaṃ praṇavaḥ sarvaṃ tasmāt praṇavam abhyaset // (10.2) Par.?

ekākṣaraṃ paraṃ brahma pāvanaṃ paramaṃ smṛtam // (11.1) Par.?

sarveṣām eva pāpānāṃ saṅkare samupasthite / (12.1) Par.?

abhyāso daśasāhasraḥ sāvitryāḥ śodhanaṃ mahat // (12.2) Par.?

savyāhṛtiṃ sapraṇavāṃ gāyatrīṃ śirasā saha / (13.1) Par.?

triḥ paṭhed āyataprāṇaḥ prāṇāyāmaḥ sa ucyate / (13.2) Par.?

sa ucyata iti // (13.3) Par.?