Texts

kāla enam āmantrayante // (1) Par.?

sa yajñopavītaṃ kṛtvāpa ācamyāntareṇa cātvālaṃ cotkaraṃ ca prapadyate // (2) Par.?

jyā asi sudhāṃ me dhehy āyuṣmantas tad varcasvanta udgeṣma // (3) Par.?

etad eva prapadanam etad udayanam ājyagrahān gṛhṇatsūtkare tiṣṭhan subrahmaṇyām āhvayaty adya sutyām iti // (4) Par.?

taṃ yadi brūyur viśvarūpā gāyety akarmaṇa etat trayodaśaṃ stotram iti brūyād virājaṃ lobhayatīti // (5) Par.?

saṃsave tu kāryam // (6) Par.?

abhiṣavasya kāla āgacchati sa pūrvayā dvārā havirdhānaṃ prapadya viṣṇoḥ pṛṣṭham asīti dakṣiṇaṃ havirdhānam abhimṛśati // (7) Par.?

viṣṇo rarāṭam asīty uttaram // (8) Par.?

so 'ntareṇa havirdhāne gatvā dakṣiṇasya havirdhānasya paścād akṣam upaviśati // (9) Par.?

ahe daidhiṣavyod atas tiṣṭhānyasya sadane sīda yo 'smat pākataras tasya sadane sīda nirastaḥ parāvasur iti // (10) Par.?

tṛṇaṃ nirasyati yat pratiśuṣkāgraṃ bhavati yad vā praticchinnāgram // (11) Par.?

apa upaspṛśya ā vasoḥ sadane sīdāmīti sīdati // (12) Par.?

etenaivopaviśati yatra yatra kariṣyan bhavati // (13) Par.?

athāha namaḥ pitṛbhyaḥ pūrvasadbhyo namaḥ sākaṃ niṣadbhyaḥ // (14) Par.?

yuñjate vācaṃ śatapadīṃ gāye sahasravartanīm // (15) Par.?

gāyatraṃ traiṣṭubhaṃ jagad viśvā rūpāṇi saṃbhṛtaṃ devā okāṃsi cakrira iti // (16) Par.?

athāsmā adho 'kṣaṃ droṇakalaśaṃ prayacchati // (17) Par.?

taṃ pratigṛhṇāti devasya tvā savituḥ prasave 'śvinor bāhubhyāṃ pūṣṇo hastābhyāṃ pratigṛhṇāmīti // (18) Par.?

taṃ pratigṛhya dakṣiṇa ūrau nidhāyoparyakṣaṃ pavitram apahṛtya pavayati // (19) Par.?

vasavas tvā punantu gāyatreṇa chandasā suprajāvaniṃ rāyaspoṣavanim iti // (20) Par.?

taṃ pavayitvā paścād akṣaṃ sādayati // (21) Par.?

bārhaspatyam asi vānaspatyaṃ prajāpater mūrdhātyāyupātram iti // (22) Par.?

taṃ paścād akṣaṃ sādayitvā gāyatraṃ viśvarūpāsu gāyatīti brāhmaṇam // (23) Par.?