Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 15542

Click on a sentence to show its analysis
Keep the mouse pointer over a lemma to show its meanings.

pravargye sāmnāṃ gānakālam upadekṣyāmaḥ // (1) Par.?

yajñopavītaṃ kṛtvāpa ācamyāntareṇa vedyutkarau prapadyāpareṇa hotāraṃ parītya dakṣiṇato gharmam abhimukha upaviśya vāmadevyena madantībhiḥ śāntiṃ kurute // (2) Par.?

taṃ yadādhvaryuḥ saṃpreṣyati brahman pravargyeṇa pracariṣyāmo hotar gharmam abhiṣṭuhi prastotaḥ sāmāni gāyeti brahma jajñānam ity etayoḥ pūrvaṃ trir gāyati // (3) Par.?

ajyamāne mahāvīre śārṅgam // (4) Par.?

rukma upadhīyamāne śukram // (5) Par.?

uttarasmiñcandram abhidhīyamāne // (6) Par.?

gharmendhane gharmasya tanū gharmavrate ca // (7) Par.?

rucite gharmasya rocanam // (8) Par.?

rājānaṃ pūrvasmin rauhiṇe hūyamāne // (9) Par.?

gavy upasṛṣṭāyāṃ dhenu kakubhaṃ vā // (10) Par.?

prattāyāṃ pūrvaṃ śyāvāśvaṃ gaur dhayati marutām iti // (11) Par.?

duhyamāne dohādohīyam // (12) Par.?

payasy āhriyamāṇe payaḥ // (13) Par.?

sindhu payasy āsicyamāne // (14) Par.?

vasiṣṭhasya śaphau parigṛhyamāṇe // (15) Par.?

brāhmaṇaspatyaṃ hriyamāṇe vratapakṣau vā // (16) Par.?

gharme hute 'śvinor vrate // (17) Par.?

rauhiṇakam uttarasmin rauhiṇe hūyamāne // (18) Par.?

gharme sādyamāna ārūḍhavadāṅgirasaṃ trir gāyati kāvaṃ vā // (19) Par.?

vāmadevyena madantībhiḥ śāntiṃ kṛtvā yathāprapannaṃ niṣkramya saṃsthitāyām upasadyutkare tiṣṭhan subrahmaṇyāmāhūya yathārtham eti // (20) Par.?

Duration=0.048911094665527 secs.