Texts

brāhmaṇo rājanyo vā śaradi vājapeyena yajeta // (1) Par.?

ṣoḍaśikī rājakrayaṇī // (2) Par.?

saptadaśa dīkṣās tisra upasadaḥ // (3) Par.?

kṛte vare dakṣiṇasya havirdhānasya paścādakṣam upayāmebhyaḥ kharaṃ karoti // (4) Par.?

havirdhānagate some surāṃ droṇaṃ vālam ity apareṇa dvāreṇa prapādayati // (5) Par.?

pratiprasthātuḥ surāyāḥ karma // (6) Par.?

khādiraś caturasro yūpaḥ saptadaśāratniḥ // (7) Par.?

godhūmapiṣṭānāṃ caṣālaṃ samaṃ yūpāgreṇa // (8) Par.?

raśanāsthāne saptadaśabhir vasābhir veṣṭayati // (9) Par.?

śvo bhūte vājapeyasaṃsthā // (10) Par.?

deva savitariti savanamukheṣu juhoti // (11) Par.?

hiraṇyasraja ṛtvijaḥ somaiḥ pracaranti // (12) Par.?

āgrayaṇasthālīṃ prayujya pañca khādirāṇi vāyavyāni pātrāṇi prayunakti // (13) Par.?

ṣoḍaśipatrāṃ prayujya saptadaśa khādirāṇi vāyavyāni saptadaśa mārttikān upayāmān // (14) Par.?

atipāvyamāne droṇe vālaṃ vitatya surām atipāvayati punātu te parisrutam iti // (15) Par.?

āgrāyaṇaṃ gṛhītvā pañcaindrān atigrāhyān gṛhṇāti upayāmagṛhīto 'si druṣadaṃ tveti paryāyaiḥ kuvid aṅgeti saptadaśa prājāpatyān ayā viṣṭheti saptadaśa surāgrahān // (16) Par.?

pūrvo 'dhvaryur gṛhṇāti // (17) Par.?

puro 'kṣam adhvaryuḥ somagrahān sādayati paścādakṣaṃ pratiprasthātā suropayāmān // (18) Par.?

vyatyāsaṃ gṛhṇītaḥ // (19) Par.?

paśūn upākaroty āgneyam ajam aindrāgnam ajam aindraṃ vṛṣṇiṃ sārasvatīṃ meṣīṃ sārasvataṃ meṣaṃ mārutīṃ pṛśniṃ vaśāṃ saptadaśa prājāpatyān śyāmāṃs tūparān ajān ekarūpān sārasvatīṃ meṣīm apannadatīm // (20) Par.?

paryagnikṛtānām āgneyaprabhṛtīnāṃ caturṇāṃ vapābhiḥ pracarantītarān pariśāyanti // (21) Par.?

mādhyandinīyān savanīyān anu naivāraṃ caruṃ nirvapati bārhaspatyaṃ saptadaśaśarāvam // (22) Par.?

audumbaryā srucā trir yajuṣā tūṣṇīṃ caturthaṃ payasi śṛtaṃ pātryām uddhṛtya cātvāle 'vadadhāti // (23) Par.?

dakṣiṇākāle dakṣiṇataḥ purastāt prāgvaṃśasya vājasya nu prasava iti ratham upāvaharati // (24) Par.?

apsv antar amṛtam ity aśvān snapayanti // (25) Par.?

vāyur vā tveti yunakti // (26) Par.?

apāṃ napād āśuhemann iti rarāṭāni pratimārṣṭi // (27) Par.?

praṣṭivāhinaṃ rathaṃ yuñjanti tūṣṇīṃ ṣoḍaśetarān // (28) Par.?

saptadaśa dadāti saptadaśa hastinaḥ saptadaśa dāsīr niṣkakaṇṭhīḥ saptadaśa gavāṃ śatāni daśa saptadaśāni prakṛtīnāṃ yuktaṃ dakṣiṇānām // (29) Par.?

rathāṃs tīrthānte 'vasthāpayanti // (30) Par.?

māhendrakāle vedisraktiṣu dundubhīn avaghnanti // (31) Par.?

rathākṣaṃ cātvāle nighnanti // (32) Par.?

tasmin rathacakraṃ muñcaty audumbaraṃ saptadaśāram // (33) Par.?

saptadaśoṣapuṭān aśvatthaparṇeṣūpanaddhāṃś caturaś caturaḥ pañcaikasmin // (34) Par.?

uttarataḥ purastāt saptadaśasv iṣukṣepeṣv audumbarīṃ kāṣṭhāṃ nighnanti // (35) Par.?

prastute māhendrasya stotre devasya savitur iti brahmā rathacakraṃ sarpati // (36) Par.?

āruhya vājasāma gāyati // (37) Par.?

cakram āveṣṭayati // (38) Par.?

viṣṇoḥ krāntam asi viṣṇor vikrāntam asi viṣṇor vikramaṇam asīti paryāyair yajamānas trīn kramān kramate rathāya vrajan // (39) Par.?

devasya vayam iti yajuryuktam ārohati // (40) Par.?

agnir ekākṣarām ity ujjitīr yajamānaṃ vācayati // (41) Par.?

vājinau vājajitāv iti yugyau naivāram avaghrāpayati // (42) Par.?

uttareṇa paryāyeṇa praprotheṣu lepān nimārṣṭi // (43) Par.?

avarohati yajamānaḥ // (44) Par.?

rājabhavyaḥ putraḥ pratihita ājiṃ dhāvati // (45) Par.?