Texts

darbhāṇāṃ vedaṃ karoti vatsajñuṃ paśukāmasya trivṛtaṃ brahmavarcasakāmasya mūtakāryam annādyakāmasya // (1.1) Par.?

prasavyaṃ śulbaṃ kṛtvā vatsajñuṃ niveṣṭya vedāgre śulbaṃ nidhāya trir vedaśiraḥ saṃnahyaty uttaram uttaraṃ pradakṣiṇam // (2.1) Par.?

prādeśamātre śulbāt parivāsyotkare mūlāni gamayati // (3.1) Par.?

atraivāmāvāsyāyāṃ vediṃ karoti sarvaṃ sadyaḥ paurṇamāsyām // (4.1) Par.?

śākhāyā antarvedi palāśāni viśātya mūlataḥ pracchidyāntarvedi nyasyed upaveśaṃ ca kurvīta // (5.1) Par.?

śākhāyā darbhamayaṃ pavitraṃ karoty agranthi trivṛd avidalam // (6.1) Par.?

hute 'gnihotre parisamūhya paristīryottarato gārhapatyasya pātrebhyaḥ saṃstīrya dvaṃdvaṃ sāṃnāyyapātrāṇi prayunakti dohanaṃ nidāne kumbhīṃ śākhāpavitraṃ ca // (7.1) Par.?

barhiṣaḥ pavitre kurute samāvapracchinnaprāntau darbhau prādeśamātrau // (8.1) Par.?

pavitre stho vaiṣṇave ity oṣadhyā chittvā viṣṇor manasā pūte stha ity adbhis trir unmṛjya prokṣaṇīḥ saṃskurute // (9.1) Par.?

devo vaḥ savitotpunātv iti gāyatryā triḥ paccha utpūya devīr āpo 'greguva ity abhimantrya śundhadhvaṃ daivyāya karmaṇa iti pātrāṇi triḥ prokṣati // (10.1) Par.?

upasṛṣṭāṃ me prabrūtāt / (11.1) Par.?

vihāraṃ ca gāṃ copasṛṣṭām antareṇa mā saṃcāriṣur iti saṃpreṣyati // (11.2) Par.?

niṣṭaptaṃ rakṣo niṣṭaptā arātaya iti kumbhīṃ niṣṭapya vasūnāṃ pavitram asīti prāgagraṃ pavitram avadadhāti // (12.1) Par.?

dyaur asīty abhimantrya mātariśvano gharma ity adhiśrayati // (13.1) Par.?

anvārabhya vācaṃ yacchati // (14.1) Par.?

na riktam avasṛjati // (15.1) Par.?

poṣāya tveti vatsam avasṛjyamānam anumantrayate // (16.1) Par.?

ayakṣmā vaḥ prajayā saṃsṛjāmi rāyaspoṣeṇa bahulā bhavantv iti saṃgacchamānām // (17.1) Par.?

adityā rāsnāsīti nidīyamānām // (18.1) Par.?

ūrjasvatīr ghṛtavatpinvamānā jīvā jīvantīr upa vaḥ sademety upasannam // (19.1) Par.?

utsaṃ duhanti kalaśaṃ caturbilam iḍāṃ dhenuṃ madhumatīṃ svastaye / (20.1) Par.?

tad indrāgnī jinvatāṃ sūnṛtāvat tad yajamānam api svarge loke dadhātu / (20.2) Par.?

iti dhārāghoṣam // (20.3) Par.?

dogdhāraṃ pṛcchati kāmadhukṣa iti / (21.1) Par.?

amūm iti nāmādiśati // (21.2) Par.?

sā viśvāyur astv asāv iti nāmagrāham anumantrayate / (22.1) Par.?

sā viśvabhūr iti dvitīyām / (22.2) Par.?

sā viśvakarmeti tṛtīyām // (22.3) Par.?

dugdham avanayati // (23.1) Par.?

tisro yajuṣā dohayati tisras tūṣṇīm // (24.1) Par.?

tisṛṣu dugdhāsu trir uccair vācaṃ visṛjate // (25.1) Par.?

bahu dugdhīndrāya devebhyo havir iti saṃpreṣyati / (26.1) Par.?

mahendrāyeti mahendrayājinaḥ // (26.2) Par.?

visṛṣṭavāg ananvārabhyottarā dohayati // (27.1) Par.?

saṃpṛcyadhvam ṛtāvarīr ūrmiṇā madhumattamāḥ / (28.1) Par.?

pṛñcatīḥ payasā payo mandrā dhanasya sātaye / (28.2) Par.?

iti kumbhyāṃ saṃkṣālanam ānayati // (28.3) Par.?

hutaḥ stoka iti skannaprāyaścittaṃ japati // (29.1) Par.?

vartma kurvann udag udvāsayati dṛṃha gā dṛṃha gopatiṃ mā te yajñapatī riṣad iti // (30.1) Par.?

śītabudhnaṃ dadhnātanakti dvayor ekasyā vā dugdhena pūrvedyur nihitena // (31.1) Par.?

indrāya tvā bhāgaṃ somenātanacmīty ātanakti / (32.1) Par.?

mahendrāyeti mahendrayājinaḥ // (32.2) Par.?

yavāgūr agnihotram / (33.1) Par.?

tasyāḥ piṇḍaṃ pratinayaty adas tamasi viṣṇave tveti // (33.2) Par.?

viṣṇo havyaṃ rakṣasveti nidhāyāpo jāgṛteti sodakena pātreṇāmṛnmayenāpidadhyāt // (34.1) Par.?

yadi mṛnmayaṃ syāt tṛṇaṃ kāṣṭhaṃ vāvadadhyāt // (35.1) Par.?

tena dharmeṇa prātardohāya vatsān apākaroti // (36.1) Par.?

somayājino 'māvāsyāyāṃ nityaṃ saṃnayanaṃ yathākāmy asomayājinaḥ // (37.1) Par.?

śuśruvān grāmaṇī rājanya iti gataśriyaḥ // (38.1) Par.?

aurvo gautamo bhāradvāja iti mahendraṃ yajeran gataśriyaś ca // (39.1) Par.?

itare saṃvatsaram indram iṣṭvāgnaye vratapataye 'ṣṭākapālaṃ nirupya mahendraṃ yajeran // (40.1) Par.?