Texts

Help

Select a text:
Bibliography
Select a chapter:
 (no revisions)
Associated topic(s): agnicayana

Show parallels  Show headlines
Use dependency labeler
Chapter id: 15744
  • Click on a sentence to show its analysis
  • Keep the mouse pointer over a lemma to show its meanings.
yac ciddhi tvaṃ gṛhe gṛha ulūkhalaka yujyase / (1.1) Par.?
iha dyumattamaṃ vada jayatām iva dundubhiḥ / (1.2) Par.?
iti vrīhīn avahatya sahavrīhy upadadhāti idaṃ viṣṇur iti dakṣiṇataḥ purastāt svayamātṛṇṇāyāḥ // (1.3) Par.?
ukhāṃ sikatābhiḥ pūrayati dadhnā madhunā ghṛtena vā agne yukṣvā hi ye tava / (2.1) Par.?
yukṣvā hi devahūtamān iti saṃhitābhyām abhijuhoti // (2.2) Par.?
viṣādya naktoṣāsā / (3.1) Par.?
syūtā devebhir ity ādatte // (3.2) Par.?
pṛthivi pṛthivyāṃ sīdeti sādayaty uttarataḥ purastāt svayamātṛṇṇāyā yāvaty ulūkhalam // (4.1) Par.?
samitsravantīti dadhnā madhumiśreṇa śirāṃsi pūrayitvā chidreṣu hiraṇyaśakalān apyasyati ṛce tveti dakṣiṇasmin karṇacchidre ruce tveti savye bhāse tveti dakṣiṇasminn akṣicchidre jyotiṣe tveti savye 'bhūd idam iti dakṣiṇasmin nāsikāchidre 'gner vaiśvānarasyeti savye 'gnis tejasety āsye rukmo varcasety avakartane // (5.1) Par.?
sahasradā asīti puruṣaśiro 'bhimantryādityaṃ garbham ity ukhāyām uttānam upadadhāti paścād avakartanataḥ // (6.1) Par.?
citraṃ devānām ity ardharcābhyām akṣicchidrayor hutvā paścāt puruṣaśirasaḥ puruṣacitim upadadhāti puruṣasya pratimām // (7.1) Par.?
mā chanda iti dvādaśa paryāyāḥ // (8.1) Par.?
teṣāṃ tisras tisra ekaikena // (9.1) Par.?
tena chandasety anuṣajet // (10.1) Par.?
vātasya jūtim iti pūrvārdhe 'śvaśira uttarābhis tisṛbhir yathāsamāmnātam itarāṇi paścārdhe gośiro dakṣiṇārdhe 'viśira uttarārdhe bastaśiraḥ // (11.1) Par.?
imaṃ mā hiṃsīr iti pañcabhir utsargair upadhānānupūrveṇopatiṣṭheta // (12.1) Par.?
yady ekaṃ syād anuparihāram upadadhyāl lokān vopatiṣṭhetotsargaiś ca // (13.1) Par.?
uttaram aṃsaṃ svayamātṛṇṇāyāntareṇa saṃcared aṃsaśirāṃsi tvaṃ yaviṣṭheti saṃvatsarīṃ japati // (14.1) Par.?
sarpaśira uttarasminn aṃsa upadhāya namo 'stu sarpebhya iti tisṛbhir anudiśati // (15.1) Par.?
apāṃ tvemant sādayāmīti pañcadaśāpasyāḥ pañca pañcābhita upadadhāti // (16.1) Par.?
chandasyāḥ pañcottarataḥ // (17.1) Par.?
ayaṃ purobhūr iti pañcāśataṃ prāṇabhṛtaḥ pañcabhiḥ paryāyair daśa daśaikena // (18.1) Par.?
prathamaṃ daśavargaṃ purastād upadadhāty atha dvitīyaṃ paścāt tṛtīyaṃ dakṣiṇataś caturtham uttarato madhye pañcamam // (19.1) Par.?
āyuṣe prāṇaḥ saṃtataḥ prāṇāpānaṃ saṃtanv iti pañcāśataṃ saṃyato daśabhiḥ paryāyaiḥ pañca pañcaikena // (20.1) Par.?
prācī dig ity atimātrā yathā prāṇabhṛtaḥ pañcāśatam upadhāya vratam upadadhāti // (21.1) Par.?
Duration=0.079227924346924 secs.