Texts

aditer hastāṃ sarvān samāgā iti mantroktam // (1.1) Par.?

tata udakam ādāya pātryām ānayati // (2.1) Par.?

darvyā kumbhyām // (3.1) Par.?

darvikṛte tatraiva pratyānayati // (4.1) Par.?

darvyottamam apādāya tatsuhṛd dakṣiṇato 'gner udaṅmukha āsīno dhārayati // (5.1) Par.?

athoddharati // (6.1) Par.?

uddhṛte yad apādāya dhārayati tat uttarārdha ādadhāti // (7.1) Par.?

anuttarādharatāyā odanasya yad uttaraṃ tad uttaram odana evaudanaḥ // (8.1) Par.?

ṣaṣṭhyāṃ śaratsv iti paścād agner upasādayati // (9.1) Par.?

nidhiṃ nidhipā iti trīṇi kāṇḍāni karoti // (10.1) Par.?

yadyaj jāyeti mantroktam // (11.1) Par.?

sā patyāvanvārabhate // (12.1) Par.?

anvārabdheṣvata ūrdhvaṃ karoti // (13.1) Par.?

agnī rakṣa iti paryagnikaroti // (14.1) Par.?

babhrer adhvaryo idam prāpam ity uparyāpānaṃ karoti // (15.1) Par.?

babhrer brahmann iti brūyād anadhvaryum // (16.1) Par.?

ghṛtena gātrā siñca sarpir iti sarpiṣā viṣyandayati // (17.1) Par.?

vasor yā dhārā ādityebhyo aṅgirobhya iti rasair upasiñcati // (18.1) Par.?

priyaṃ priyāṇām ity uttarato 'gner dhenvādīnyanumantrayate // (19.1) Par.?

tām atyāsarat prathameti yathoktaṃ dohayitvopasiñcati // (20.1) Par.?

atyāsarat prathamā dhokṣyamāṇā sarvān yajñān bibhratī vaiśvadevī / (21.1) Par.?

upa vatsaṃ sṛjata vāśyate gaur vy asṛṣṭa sumanā hiṃkṛṇoti / (21.2) Par.?

badhāna vatsam abhi dhehi bhuñjatī nijya godhug upa sīda dugdhi / (21.3) Par.?

irām asmā odanaṃ pinvamānā kīlālaṃ ghṛtaṃ madam annabhāgam / (21.4) Par.?

sā dhāvatu yamarājñaḥ savatsā sudughāṃ pathā prathameha dattā / (21.5) Par.?

atūrṇadattā prathamedam āgan vatsena gāṃ saṃ sṛja viśvarūpām iti // (21.6) Par.?

idaṃ me jyotiḥ sam agnaya iti hiraṇyam adhidadhāti // (22.1) Par.?

eṣā tvacām ity amotaṃ vāso 'grataḥ sahiraṇyaṃ nidadhāti // (23.1) Par.?