Texts

Help

Select a text:
Bibliography
Select a chapter:
 1 revision
Associated topic(s): agnicayana

Show parallels  Show headlines
Use dependency labeler
Chapter id: 16196
  • Click on a sentence to show its analysis
  • Keep the mouse pointer over a lemma to show its meanings.
apeta vīta vi ca sarpatāta iti devayajanam adhyavasyati // (1) Par.?
yo vā asyā adhipatiṃ devayajanam aniryācyāgniṃ cinute yamāya te 'gnayaś cīyante // (2) Par.?
yamo 'syā adhipatiḥ // (3) Par.?
yamam evāsyā adhipatiṃ devayajanaṃ niryācyātmane 'gniṃ cinute // (4) Par.?
iṣvagreṇa ha vā asyā anāmṛtam icchanto na vividuḥ // (5) Par.?
yad etena devayajanam adhyavasyaty asyā evānāmṛte 'gniṃ cinute // (6) Par.?
uvāca ha sanācchava etan mā katipayathaṃ yajurāyatanād acucyavad iti // (7) Par.?
divaḥ priye dhāmann agniś cetavyaḥ // (8) Par.?
ūṣā vai divaḥ priyaṃ dhāma // (9) Par.?
yad ūṣān upavapati diva eva priye dhāmann agniṃ cinute // (10) Par.?
iṣṭakā vā etā vaiśvānarīr aparimitā yat sikatāḥ // (11) Par.?
yat sikatā upavapati tā evāvarunddhe // (12) Par.?
agner vā eṣā vaiśvānarasya priyā tanūr yat sikatāḥ // (13) Par.?
yat sikatā upavapati tām evāvarunddhe // (14) Par.?
ayaṃ so agnir ity etad viśvāmitrasya sūktam // (15) Par.?
etena vai viśvāmitro 'gneḥ priyaṃ dhāmāvārunddha // (16) Par.?
agner evaitena priyaṃ dhāmāvarunddhe // (17) Par.?
catasraḥ prācīr upadadhāti // (18) Par.?
catvāri vai chandāṃsi // (19) Par.?
chandobhir devās svargaṃ lokam āyan // (20) Par.?
teṣāṃ diśas samavlīyanta // (21) Par.?
ta etā diśyā apaśyan // (22) Par.?
tābhir diśo 'dṛṃhan // (23) Par.?
yad dve purastāt samīcī upadadhāti dve paścād diśāṃ vidhṛtyai // (24) Par.?
aṣṭā etā upadadhāti // (25) Par.?
aṣṭākṣarā gāyatrī // (26) Par.?
gāyatrī svargaṃ lokam añjasā veda // (27) Par.?
svargasya lokasya prajñātyai // (28) Par.?
aṣṭā etā upadadhāti // (29) Par.?
aṣṭākṣarā gāyatrī // (30) Par.?
gāyatro 'gniḥ // (31) Par.?
yāvān evāgnis taṃ cinute // (32) Par.?
aṣṭā etā upadhāya trayodaśa lokaṃpṛṇayopadadhāti // (33) Par.?
tā ekaviṃśatis sampadyante // (34) Par.?
ekaviṃśo vai stomānāṃ pratiṣṭhā // (35) Par.?
pratiṣṭhā gārhapatyaḥ // (36) Par.?
ekaviṃśasyaiva pratiṣṭhām anu gārhapatyena pratitiṣṭhati // (37) Par.?
praty agniṃ cikyānas tiṣṭhati ya evaṃ veda // (38) Par.?
pañcacitīkaṃ cinvīta prathamaṃ cinvānaḥ // (39) Par.?
pāṅkto vai yajñaḥ // (40) Par.?
pāṅktāḥ paśavaḥ // (41) Par.?
yajñaṃ caiva paśūṃś cāvarunddhe // (42) Par.?
tricitīkaṃ cinvīta dvitīyaṃ cinvānaḥ // (43) Par.?
traya ime lokāḥ // (44) Par.?
eṣv eva lokeṣv ṛdhnoti // (45) Par.?
ekacitīkaṃ cinvītottamaṃ cinvānaḥ // (46) Par.?
ekavṛd eva svargaṃ lokam eti // (47) Par.?
pañca citayaḥ // (48) Par.?
pañca purīṣāṇi // (49) Par.?
tad daśa // (50) Par.?
daśākṣarā virāṭ // (51) Par.?
annaṃ virāṭ // (52) Par.?
virājy evānnādye pratitiṣṭhati // (53) Par.?
asthi vā iṣṭakā māṃsaṃ purīṣam // (54) Par.?
yad iṣṭakāṃ purīṣeṇābhyūhati tasmād asthi māṃsena cchannam // (55) Par.?
na duścarmā bhavati ya evaṃ veda // (56) Par.?
samitaṃ saṃkalpethām iti saṃnivapati // (57) Par.?
kṣatraṃ vā etā agnīnāṃ yaś cokhāyāṃ bhriyate yaś ca cīyate // (58) Par.?
brahmaṇā kṣatraṃ sameti // (59) Par.?
brahma yajuḥ // (60) Par.?
brahmaṇaivainau saṃnivapati // (61) Par.?
caturbhis saṃnivapati // (62) Par.?
catvāri vai chandāṃsi // (63) Par.?
chandobhir evainau saṃnivapati // (64) Par.?
eṣā vā agneḥ priyā tanūr yac chandāṃsi // (65) Par.?
priyayaivainau tanvā saṃśāsti // (66) Par.?
yat saṃnyupya viharati tasmād brahmaṇā kṣatraṃ sameti // (67) Par.?
brahmaṇā vyeti // (68) Par.?
māteva putraṃ pṛthivī purīṣyam ity ṛtubhir evainaṃ dīkṣayitvartubhir vimuñcati // (69) Par.?
prajāpatir viśvakarmā vimuñcatv iti prajāpatim evāsyā vimoktāraṃ karoti // (70) Par.?
Duration=0.20017695426941 secs.