Texts

Select a text:
Bibliography

Select a chapter:
(no revisions)

Associated topic(s): agniṣṭoma, somakraya, -vikraya, buying Soma, somakrayaṇī

Show parallels Show headlines
Use dependency labeler

Chapter id: 16579

Click on a sentence to show its analysis
Keep the mouse pointer over a lemma to show its meanings.

prāyaṇīyāyā dhrauvād aṣṭau juhvāṃ caturo vā gṛhītvā tasmin darbheṇa hiraṇyaṃ niṣṭarkyaṃ baddhvāvadadhātīyaṃ te śukra tanūr iti // (1.1) Par.?

purastāt pratīcī somakrayaṇy avasthitā bhavaty ekahāyanī dvihāyanī varṣīyasī vā // (2.1) Par.?

akūṭayākarṇayeti rūpāṇi // (3.1) Par.?

yā rohiṇī babhrulomnī pṛśnivālā pṛśniśaphā śucyakṣī śvitropakāśā tayā krīṇīyād ity eke // (4.1) Par.?

dvirūpayā rājanyasya // (5.1) Par.?

śuṇṭhayādhīlodhakarṇyā ṣoḍaśinaḥ // (6.1) Par.?

tad ājyaṃ somakrayaṇīm īkṣamāṇo juhoti jūr asīti // (7.1) Par.?

aparaṃ caturgṛhītaṃ gṛhītvā śukram asīti hiraṇyaṃ paścād uddhṛtya vaiśvadevaṃ havir ity ājyam avekṣya sūryasya cakṣur āruham ity ādityam upasthāya cid asi manāsīti somakrayaṇīm abhimantrayate // (8.1) Par.?

akarṇagṛhītāpadibaddhā bhavati // (9.1) Par.?

mitras tvā padi badhnātv iti dakṣiṇaṃ pūrvapādaṃ prekṣate / (10.1) Par.?

pūṣādhvanaḥ pātv iti prācīṃ yatīm anumantrayate // (10.2) Par.?

ṣaṭ padāny anunikrāmati dakṣiṇena padā dakṣiṇāni vasvy asi rudrāsīty etaiḥ pratimantram // (11.1) Par.?

ekam iṣe viṣṇus tvānvetu dve ūrje viṣṇus tvānvetu trīṇi vratāya viṣṇus tvānvetu catvāri mayobhavāya viṣṇus tvānvetu pañca paśubhyo viṣṇus tvānvetu ṣaḍ rāyaspoṣāya viṣṇus tvānvetu sapta saptabhyo hotrābhyo viṣṇus tvānvetv iti nikramyamāṇeṣu yajamāno 'nuvartayitvā // (12.1) Par.?

Duration=0.035416841506958 secs.