Texts

somaṃ te krīṇāmy ūrjasvantaṃ payasvantaṃ vīryavantam abhimātiṣāham śukraṃ te śukreṇa krīṇāmi candraṃ candreṇāmṛtam amṛtena saṃyat te gor ity uktvāsme candrāṇīti yajamānāya prayacchati // (1) Par.?

athainaṃ pratīcīnagrīvayājayā paṇate tapasas tanūr asi prajāpater varṇas tasyās te sahasrapoṣaṃ puṣyantyāś carameṇa paśunā krīṇāmīti // (2) Par.?

asme te bandhur iti yajamānam īkṣate // (3) Par.?

mayi te rāyaḥ śrayantām ity ātmānam // (4) Par.?

athaināṃ pradakṣiṇam āvartyādbhir abhyukṣyodīcīm utsṛjati // (5) Par.?

saiṣā kautsasya bhavati // (6) Par.?

atha kautsād rājānam ādatte mitro na ehi sumitradhā iti // (7) Par.?

taṃ yajamānasyorau dakṣiṇa āsādayatīndrasyorum āviśa dakṣiṇam uśann uśantaṃ syonaḥ syonam iti // (8) Par.?

athainaṃ pratyaporṇute yajamānaḥ // (9) Par.?

adbhir abhyukṣya kautsāya vā parikarmiṇe voṣṇīṣaṃ prayacchati // (10) Par.?

atha yajamānaṃ śuklayorṇāstukayādhyasyaty asme jyotir iti // (11) Par.?

athaitāṃ kṛṣṇām upagrathnātīdam ahaṃ sarpāṇāṃ dandaśūkānāṃ grīvā upagrathnāmīti // (12) Par.?

tayā somavikrayiṇaṃ vidhyati somavikrayiṇi tama iti // (13) Par.?

atha somakrayaṇān anudiśati svāna bhrājāṅghāre bambhāre hasta suhasta kṛśānav ete vaḥ somakrayaṇās tān rakṣadhvaṃ mā vo dabhan iti // (14) Par.?

athainam ādāyopottiṣṭhaty ud āyuṣā svāyuṣā ud oṣadhīnāṃ rasena ut parjanyasya śuṣmeṇa ud asthām amṛtāṃ anviti // (15) Par.?

dakṣiṇata etat somavāhanam anaḥ prāgīṣaṃ yogyakṛtam upasthitaṃ bhavati // (16) Par.?

tad abhipraity urv antarikṣam anvihīti // (17) Par.?

tasya nīḍe kṛṣṇājinam āstṛṇāty adityāḥ sado 'sīti // (18) Par.?

adityāḥ sada āsīdeti kṛṣṇājine rājānam // (19) Par.?

athainam upatiṣṭhate 'stabhnād dyām ṛṣabho antarikṣam amimīta varimāṇaṃ pṛthivyā āsīdad viśvā bhuvanāni samrāḍ viśvet tāni varuṇasya vratānīti // (20) Par.?

athainaṃ vāsasā paritanoti vaneṣu vy antarikṣaṃ tatāna vājam arvatsu payo aghniyāsu hṛtsu kratuṃ varuṇo vikṣv agnim divi sūryam adadhāt somam adrāv iti // (21) Par.?

athod u tyaṃ jātavedasam iti sauryarcā kṛṣṇājinaṃ purastāt pratyānahyati // (22) Par.?

atha somavāhanāv ānīyamānau pratimantrayata usrāv etaṃ dhūrṣāhāv anaśrū avīrahaṇau brahmacodanāv iti // (23) Par.?

tayor dakṣiṇaṃ pūrvaṃ yunakti varuṇasya skambhanam asīti // (24) Par.?

varuṇasya skambhasarjanam asīti śamyām avagūhati // (25) Par.?

pratyasto varuṇasya pāśa iti yoktram // (26) Par.?

etayaivāvṛtottaram anaḍvāhaṃ yunakti // (27) Par.?

atha dakṣiṇām īṣām anvārabhya saṃpraiṣam āha // (28) Par.?