Texts

śrapayanty etam ātithyaṃ vaiṣṇavaṃ navakapālam // (1) Par.?

tena saha madantīr adhiśrayati // (2) Par.?

śilpavad etad idhmābarhir ātithyasya bhavati // (3) Par.?

kārṣmaryamayaiḥ paridhibhir āśvavālena prastareṇaikṣavībhyāṃ vidhṛtībhyāṃ tena śilpavat // (4) Par.?

tvacaṃ puroḍāśasya grāhayitvā śrapayitvābhivāsya prāṅ etyāpy ebhyo ninīya stambayajur harati // (5) Par.?

idam eva prasiddhaṃ pauroḍāśikam // (6) Par.?

trir yajuṣā tūṣṇīṃ caturtham // (7) Par.?

pūrvaṃ parigrāhaṃ parigṛhṇāti // (8) Par.?

karaṇaṃ japati // (9) Par.?

uddhanti // (10) Par.?

uddhatād āgnīdhras trir harati // (11) Par.?

yad āgnīdhras trir haraty athottaraṃ parigrāhaṃ parigrāhya yoyupitvā tiryañcaṃ sphyaṃ stabdhvā saṃpraiṣam āha prokṣaṇīr āsādayedhmābarhir upasādaya sruvaṃ ca srucaś ca saṃmṛḍḍhi ājyenodehīti // (12) Par.?

āhṛtāsu prokṣaṇīṣūdasya sphyaṃ mārjayitvedhmābarhir upasādya pradakṣiṇam āvṛtya pratyaṅṅ ādrutya sruvaṃ ca srucaś ca saṃmārṣṭy ājyenodety ājyaṃ ca prokṣaṇīś cotpūya prasiddhaṃ caturgṛhītāni vā pañcagṛhītāni vājyāni gṛhītvā prokṣaṇībhir upottiṣṭhati // (13) Par.?

idhmaṃ prokṣati // (14) Par.?

vediṃ prokṣati // (15) Par.?

barhiḥ prokṣati // (16) Par.?

barhirāsannaṃ prokṣyopaninīya purastād āśvavālaṃ prastaraṃ gṛhṇāti // (17) Par.?

pañcavidhaṃ barhi stīrtvā prastarapāṇiḥ prāṅ abhisṛpya kārṣmaryamayān paridhīn paridadhāti // (18) Par.?

ūrdhve samidhāv ādadhāti // (19) Par.?

aikṣavī vidhṛtī tiraścī sādayati // (20) Par.?

vidhṛtyor āśvavālaṃ prastaram // (21) Par.?

prastare juhūm // (22) Par.?

barhiṣītare // (23) Par.?

etā asadann iti samabhimṛśya pradakṣiṇam āvṛtya pratyaṅṅ ādrutyāthaitaṃ puroḍāśam upastīrṇābhighāritam udvāsya caturhotrātithyam āsādayati // (24) Par.?

atra saṃbhārān vyācaṣṭe // (25) Par.?

atha nirmanthyasyāvṛtā nirmanthyena carati // (26) Par.?

prahṛtyābhihutyāthedhmāt samidham ādadāna āhāgnaye samidhyamānāyānubrūhīti // (27) Par.?

abhyādadhātīdhmam // (28) Par.?

na samidhaṃ pariśinaṣṭi // (29) Par.?

vedenopavājayati // (30) Par.?

anūktāsu sāmidhenīṣu sruveṇāghāram āghārayati // (31) Par.?

saṃmṛṣṭe srugbhyām uttaram // (32) Par.?

athāsaṃsparśayan srucāv udaṅṅ atyākramya juhvā dhruvāṃ samajya sādayitvā srucau pravaraṃ pravṛṇīte // (33) Par.?

prasiddhaṃ hotāraṃ vṛṇīte // (34) Par.?

sīdati hotā // (35) Par.?

prasavam ākāṅkṣati // (36) Par.?

prasūtaḥ srucāv ādāyātyākramyāśrāvyāha samidho yajeti // (37) Par.?

vaṣaṭkṛte juhoti yaja yajeti // (38) Par.?

caturthaṃ yakṣyann atraitad aupabhṛtam ājyaṃ sarvaśa eva juhvāṃ samānayate // (39) Par.?

pañca prayājān iṣṭvodaṅṅ atyākramya saṃsrāveṇa dhruvām abhighārya puroḍāśam abhighārayati nopabhṛtam // (40) Par.?

athāgnaye somāyety ājyabhāgābhyāṃ carati // (41) Par.?

upāṃśu haviṣā carati viṣṇave 'nubrūhi viṣṇuṃ yajeti // (42) Par.?

atha sviṣṭakṛtā carati // (43) Par.?

iḍānta ātithyaḥ saṃtiṣṭhate // (44) Par.?

atraitat pūrṇapātram antarvedi ninayati // (45) Par.?

atraitad dhruvājyam āpyāyya kaṃsaṃ vā camasaṃ vā yācati // (46) Par.?

tam antarvedi nidhāya tasminn etat tānūnaptraṃ nigṛhṇāti // (47) Par.?