Texts

āpataye tvā gṛhṇāmi paripataye tvā gṛhṇāmi tanūnaptre tvā gṛhṇāmi śākvarāya tvā gṛhṇāmi śakmann ojiṣṭhāya tvā gṛhṇāmīti // (1) Par.?

sa yāvanta ṛtvijas ta enat samavamṛśanty anādhṛṣṭam asy anādhṛṣyaṃ devānām ojo 'bhiśastipā anabhiśastenyam iti // (2) Par.?

yajamānam ativācayaty anu me dīkṣāṃ dīkṣāpatir manyatām anu tapas tapaspatir añjasā satyam upageṣam suvite mā dhā iti // (3) Par.?

sa yāvanta ṛtvijas teṣūpahavam iṣṭvā yajamāna eva trir avajighrati prajāpatau tvā manasi juhomīti // (4) Par.?

athainad adbhir abhyunnīyottarataḥ siñcati // (5) Par.?

athāha agnīn madanty āpā3 iti // (6) Par.?

madanti devīr amṛtā ṛtāvṛdha iti // (7) Par.?

tābhir ādraveti // (8) Par.?

atha madantīr upaspṛśyopotthāya visrasya hiraṇyam avadhāya rājānam āpyāyayanty aṃśuraṃśus te deva somāpyāyatām indrāyaikadhanavide ā tubhyam indraḥ pyāyatām ā tvam indrāya pyāyasveti // (9) Par.?

yajamānam ativācayaty āpyāyaya sakhīnt sanyā medhayā svasti te deva soma sutyām aśīyeti // (10) Par.?

athāpa upaspṛśya yathāyatanam upaviśanti // (11) Par.?

athādhvaryur vājavatībhyāṃ srucau vyūhati // (12) Par.?

vidhṛtībhyāṃ prastaraṃ samullupyāpratiśṛṇaṃs tredhānakti // (13) Par.?

na prastarāyāśrāvayati // (14) Par.?

na barhir anupraharati // (15) Par.?

taṃ dakṣiṇārdhe vedyai nidhāya tasmin dakṣiṇottariṇo nihnuvata eṣṭā rāyaḥ preṣe bhagāya ṛtam ṛtavādibhyo namo dive namaḥ pṛthivyā iti // (16) Par.?

paridhiṣu śakalān upasaṃgṛhṇāti // (17) Par.?

prastare barhir yāvanmātraṃ spandyayā vigrathyāhavanīye 'tivālyādbhir abhyukṣyottarataḥ sādayati // (18) Par.?

atha yajamānam avāntaradīkṣām upanayaty agne vratapate tvaṃ vratānāṃ vratapatir asi yā mama tanūr eṣā sā tvayi yā tava tanūr iyaṃ sā mayi saha nau vratapate vratinor vratānīti // (19) Par.?

athainaṃ saṃśāsti saṃtarāṃ mekhalāṃ samāyacchasva saṃtarāṃ muṣṭī kuruṣva taptavrata edhi madantībhir mārjayasva ut pūrvaṃ vratanaṃ sṛja yā te agne rudriyā tanūs tayā naḥ pāhi tasyās te svāhety etenāto 'dhi vratayeti // (20) Par.?

sa evam evaitat sarvaṃ karoti // (21) Par.?