Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16621
- Click on a sentence to show its analysis
- Keep the mouse pointer over a lemma to show its meanings.
atha pravargyasyāvṛtā pravargyeṇa carati // (1) Par.?
atha sphyam ādadāna āhāgnīn madantīr adhiśraya havir adhiśrayaihy upasīdeti // (2) Par.?
etāsv eva madantīṣu bhūyasīr apa ānayati // (3) Par.?
ājyam adhiśrayati // (4) Par.?
taddhaviḥ // (5) Par.?
athaitasyaiva barhiṣa stīrṇasya paryavalopam // (6) Par.?
stambayajur harati // (7) Par.?
idam eva prasiddhaṃ pauroḍāśikam // (8) Par.?
trir yajuṣā tūṣṇīṃ caturtham // (9) Par.?
pūrvaṃ parigrāhaṃ parigṛhṇāti // (10) Par.?
karaṇaṃ japati // (11) Par.?
uddhanti // (12) Par.?
uddhatād āgnīdhras trir harati // (13) Par.?
yad āgnīdhras trir haraty athottaraṃ parigrāhaṃ parigṛhya yoyupitvā tiryañcaṃ sphyaṃ stabdhvā saṃpraiṣam āha madantīr āsādayedhmābarhir upasādaya sruvaṃ ca srucau ca saṃmṛḍḍhi haviṣodehīti // (14) Par.?
āhṛtāsu madantīṣūdasya sphyaṃ mārjayitvedhmābarhir upasādya pradakṣiṇam āvṛtya pratyaṅṅ ādrutya sruvaṃ ca srucau ca saṃmārṣṭi // (15) Par.?
haviṣodeti // (16) Par.?
haviś ca madantīś cotpūyāṣṭau kṛtvo juhvāṃ gṛhṇīte // (17) Par.?
catur upabhṛti // (18) Par.?
ājyasthālyāṃ tṛtīyām utpradāya madantībhir upottiṣṭhati // (19) Par.?
idhmaṃ prokṣati // (20) Par.?
vediṃ prokṣati // (21) Par.?
barhiḥ prokṣati // (22) Par.?
barhir āsannaṃ prokṣyopaninīya purastād āśvavālaṃ prastaraṃ gṛhṇāti // (23) Par.?
ekavidhaṃ barhi stīrtvā prastarapāṇiḥ prāṅ abhisṛpya kārṣmaryamayān paridhīn paridadhāti // (24) Par.?
ūrdhve samidhāv ādadhāti // (25) Par.?
aikṣavī vidhṛtī tiraścī sādayati // (26) Par.?
vidhṛtyor āśvavālaṃ prastaram // (27) Par.?
prastare juhūm // (28) Par.?
barhiṣītare // (29) Par.?
ete asadatām iti samabhimṛśya pradakṣiṇam āvṛtya pratyaṅṅ ādrutya jaghanena gārhapatyam upaviśya devapatnīr vyācaṣṭe // (30) Par.?
athaitenaiva yathetam etyāthedhmāt samidham ādadāna āhāgnaye samidhyamānāyānubrūhīti // (31) Par.?
abhyādadhātīdhmaṃ sakṛd vā trir vā // (32) Par.?
na samidhaṃ pariśinaṣṭi // (33) Par.?
vedenopavājayati // (34) Par.?
anūktāsu sāmidhenīṣu sruveṇāghāram āghārayati // (35) Par.?
saṃmṛṣṭe na srugbhyām uttaram // (36) Par.?
atha pravaraṃ pravṛṇīte // (37) Par.?
athāśrāvayaty o śrāvaya astu śrauṣaṭ sīda hotar ity etāvān pravaraḥ // (38) Par.?
sīdati hotā // (39) Par.?
prasavam ākāṅkṣati // (40) Par.?
prasūtaḥ srucāv ādadāna āha // (41) Par.?
Duration=0.14280200004578 secs.