Texts

Help

Select a text:
Bibliography

Select a chapter:
(no revisions)

Associated topic(s): agnihotra, penance, prāyaścitta, prāyaścitta

Show parallels Show headlines
Use dependency labeler

Chapter id: 16651

Click on a sentence to show its analysis
Keep the mouse pointer over a lemma to show its meanings.

prajāpatis tapo 'tapyata / (1.1) Par.?

tasya ha vai tapyamānasya manaḥ prājāyata devān sṛjeyam iti / (1.2) Par.?

ta ime devā asṛjyanta / (1.3) Par.?

divā devān asṛjata / (1.4) Par.?

naktam asurān / (1.5) Par.?

yad divā devān asṛjata tad devānāṃ devatvam / (1.6) Par.?

yad asūryaṃ tad asurāṇām asuratvam / (1.7) Par.?

yat pītatvaṃ tat pitṝṇāṃ pitṛtvam // (1.8) Par.?

devā vai svargakāmās tapo 'tapyanta / (2.1) Par.?

teṣāṃ tapyamānānāṃ raso 'jāyata / (2.2) Par.?

pṛthivy antarikṣaṃ dyaur iti / (2.3) Par.?

te 'bhyatapan / (2.4) Par.?

teṣāṃ tapyamānānāṃ raso 'jāyata / (2.5) Par.?

ṛgvedaḥ pṛthivyā yajurvedo 'ntarikṣāt sāmavedo 'muṣmāt / (2.6) Par.?

te 'bhyatapan / (2.7) Par.?

teṣāṃ tapyamānānāṃ raso 'jāyata / (2.8) Par.?

ṛgvedād gārhapatyo yajurvedād dakṣiṇāgniḥ sāmavedād āhavanīyaḥ / (2.9) Par.?

te 'bhyatapan / (2.10) Par.?

teṣāṃ tapyamānānāṃ puruṣo 'jāyata / (2.11) Par.?

sahasraśīrṣaḥ sahasrākṣaḥ sahasrapāt // (2.12) Par.?

te devāḥ prajāpatim upādhāvan vedaśarīrair vā idam amṛtaśarīraṃ na ha vā idaṃ mṛtyoḥ samāpsyata iti te 'bruvan ko nāmāsīti // (3.1) Par.?

sa hovāca yajño nāmeti // (4.1) Par.?

teṣāṃ prajāpatiḥ sadyoyajñasaṃsthām upaiti / (5.1) Par.?

sadyo ha vā eṣa yajñaḥ saṃsthām upaiti // (5.2) Par.?

yad gārhapatyaṃ prāduṣkaroti sā dīkṣaṇīyā / (6.1) Par.?

yad dakṣiṇāgniṃ cāhavanīyaṃ ca sā prāyaṇīyā / (6.2) Par.?

yat samidho 'bhyādadhāti tā upasadaḥ // (6.3) Par.?

atha yasyājyam utpūtaṃ skandati / (7.1) Par.?

sā skannā nāmāhutiḥ / (7.2) Par.?

tato vai yajamānaḥ pramāyur bhavati / (7.3) Par.?

varo deyaḥ / (7.4) Par.?

saiva tasya prāyaścittiḥ // (7.5) Par.?

atha yasyājyam anutpūtaṃ skandaty asau vā askannā nāmāhutiḥ / (8.1) Par.?

tato vai yajamānasya cittaṃ pramāyur bhavati / (8.2) Par.?

citraṃ deyaṃ saiva tasya prāyaścittiḥ // (8.3) Par.?

yad gārhapatye juhoti tat prātaḥsavanam / (9.1) Par.?

yad dakṣiṇāgnau juhoti tan mādhyaṃdinaṃ savanam / (9.2) Par.?

yad āhavanīye juhoti tat tṛtīyasavanam // (9.3) Par.?

yan mārjayate so 'syāvabhṛthaḥ // (10.1) Par.?

yad annā dadāti tena udayanīyasyodavasānīyasya samāptyai // (11.1) Par.?

atha yasyāgnir mathyamāno na jāyetānyam āhṛtyāsminn avakāśe juhuyād brāhmaṇasya vā haste 'jasya vā karṇe kuśastambe vāpsu vā juhuyāt // (12.1) Par.?

anyaiḥ śatahutān homān ekaḥ śiṣyahuto varam / (13.1) Par.?

śiṣyaiḥ śatahutān homān ekaḥ putrahuto varam / (13.2) Par.?

putraiḥ śatahutān homān eko hy ātmahuto varam // (13.3) Par.?

svayaṃ hotā svayaṃ dohī svayam evopatiṣṭhetāgnihotram // (14.1) Par.?

haumyaśeṣaṃ dakṣiṇā // (15.1) Par.?

sarvair ha vā etasya yajñakratubhir iṣṭaṃ bhavati / (16.1) Par.?

ya evaṃ vidvān agnihotraṃ juhoti // (16.2) Par.?

Duration=0.74942183494568 secs.