Texts

yuktaḥ śraddhānvito viprair anujñātaḥ keśān romanakhāni ca vāpayitvā vidhinā snāta iṣe tvorje tvetyādi svādhyāyam adhīyīta śataṃ prāṇāyāmāṃś ca kṛtvā dhyāyan nārāyaṇam upoṣya sapatnīko ghṛtamiśraṃ haviṣyaṃ kṣīreṇa prāśnāti // (1) Par.?

uktavratam ācaran pāvanārtham amātyahomān kūśmāṇḍahomāṃś ca juhuyāt // (2) Par.?

ahany upavasathe sarvakāmārtham agnīn ādhāsya ity uktvā yajamānaḥ keśaśmaśruromāṇi vapate // (3) Par.?

na vapata ity eke // (4) Par.?

tato 'bhyudayaśrāddhaṃ kurvīta // (5) Par.?

daivikavat sarvaṃ // (6) Par.?

dvau viśvedevau caturaḥ pitṝn vṛṇīte // (7) Par.?

nāndīmukhāḥ pitaraḥ sānugāḥ priyantām ity ārādhyārghyaṃ dadāti // (8) Par.?

dūrvākṣatayuktam udakumbhaṃ nidhāya pūrvavad daivikaṃ paitṛkaṃ ca hutvā tadānīm udakumbhādbhir yāsu gandhā rasā uti yajamāno 'bhiṣicya puṇyāhaṃ vācayati // (9) Par.?

svasti no mimītāṃ kṛṇuṣva pājaḥ svastidā viśaspatir iti pratisaraṃ baddhvā tasmin dine brāhmaṇān uktalakṣaṇān ṛtvijo vṛtvā sampūjya madhuparkaṃ dadāti // (10) Par.?

yajamānaḥ patnī ca navair vastrottarīyapuṣpādyair alaṃkṛtau bhavataḥ // (11) Par.?

adhvaryur yo aśvatthaḥ śamīgarbha ity araṇī uddhṛtyāśvatthāddhavyavāhād iti saṃbharati // (12) Par.?

āyur mayi dhattām iti saṃbhṛte abhimantrayate // (13) Par.?

adhivṛkṣasūrya aupāsanād dīptāñchakalān yajamāna āyuṣe vo gṛhṇāmīti pañcabhiḥ śarāve gṛhṇāty āyur mām āviśatv iti gṛhītvā tāny upottiṣṭhati // (14) Par.?